Адрас: вул. Пляханава, 28 к1,
  Мінск, Рэспубліка Беларусь
☎капл +375 17 3679386
☎канц +375 17 3683856
E-mail: serebranka@sdb.by

 

 

 

 

 

Першая Кантакт Для друку

Навіны

Пры усталёўцы новага тэхнічнага забеспячэння сайта, мы вырашылі не марудзіцца з пераносам навінаў і фотагалерэі старога фармату, але каб не страціць вынікі працы папярэдніх двух гадоў, даем спасылкі на адпаведныя раздзелы старога сайта:

Рэкалекцыі, прысвечаныя разважанню аб добрай смерці, — добрая магчымасць спыніцца і ў цішыні сустрэцца з дасканалай Любоўю, паразважаць над уласным жыццём. Такія рэкалекцыі праходзілі ў мінскай парафіі Св. Яна Хрысціцеля 23–24 лютага.

31 студзеня Каталіцкі Касцёл адзначае ўспамін св. Яна Боска. Асаблівым чынам святкуюць урачыстасць салезіяне, якія з’яўляюцца пераемнікамі традыцый Дона Боска. У гэты дзень мінская парафія Св. Яна Хрысціцеля вітала біскупа дыяцэзіі Лінц (Аўстрыя) Людвіга Шварца SDB, які належыць да таварыства айцоў салезіянаў і прыехаў у Беларусь, каб разам з парафіянамі правесці гэтае важнае для іх свята.

29 студзеня пробашч парафіі Св. Яна Хрысціцеля кс. Аляксандр Мятліцкі SDB адзначае свой Дзень нараджэння.

Шчыра віншуем Вас з Днём нараджэння, шаноўны кс. Аляксандр! Жадаем моцаў у выкананні сваёй нялёгкай працы, поспехаў, вытрываласці ў пакліканні, здароўя, а самае галоўнае Божага благаслаўлення на далейшае годнае пастырскае служэнне.

Віншуем!

2 снежня катліцкі моладзевы центр ім.св.Яна Боско запрашаў усіх жадаючых на сумеснае святкаванне Андрээк – успаміна аб апостале Андрээ. Распачалася праграма св.Імшой, на якой святары адзначылі, што надыходзіць час Адвэнту – не пост, але радаснае чаканне перад святам нараджэння Езуса Хрыста. Пасля сумеснай малітвы,апошняй  у гэтым літургічным годзе, нас чакаў утульны прыём у Араторыі.

22 лістпада парафія св.Яна Хрысціцеля ў Мінску ўрачыста адзначыла свята св.Цэцылыі. Пасля вячэрняй Імшы ні ў кога не было думак ісці дадому, бо ўсе ведалі, што наперадзе чакае канцэрт, падрыхтаваны святарамі, сёстрамі і парафіянамі. Падчас канцэрту адчуваўся радасны настрой прысутных, паветра было напоўнена святам.

25 лістапада 2012 г. ва ўзросце 57 гадоў адышла ў вечнасць нашая парафіянка Тамара Канстанцінаўна, маці клерыка Алега Каралёва SDB. Жалобная святая Імша, якую ўзначаліць Генеральны вікарый Мінска-Магілёўскай архідыяцэзіі ксёндз прэлат Андрэй Стэцкевіч, адбудзецца 26 лістапада ў капліцы Св. Яна Хрысціцеля ў 12:30.
 
Вечны адпачынак дай ёй, Пане.
22 лістапада 2012 г. у парафіі Св. Яна Хрысціцеля ў Мінску адбылася сустрэча духавенства Мінска-Магілёўскай архідыяцэзіі. У межах сустрэчы святары і кансэкраваныя асобы мелі магчымасць прыступіць да сакрамэнту пакаяння і паяднання, а таксама ўдзельнічаць у адарацыі Найсвяцейшага Сакрамэнту.

Сёння, 17 кастрычніка, нашу парафію наведаў айцец Славамір Лубян SDB, які з’яўляецца адказным за салезіянскую прысутнасць на Беларусі з верасня гэтага года. Пасля св. Імшы вернікаў чакала праграма ў Араторыі. Дон Боско жадаў заўсёды бачыць сваіх выхаванцаў радаснымі, менавіта таму аніматары вырашылі падрыхтаваць невялікую праграму радасці.

14 кастрычніка падчас вячэрняй святой імшы парафіяне прывіталі копію абраза Будслаўскай Маці Божай.  Урачыстасць адбылася ў межах трохгадовай падрыхтоукі да святкавання 400 гадовага юбілею прабывання  цудаздейнага абраза ў Будславе.

Шаноўныя парафіяне! Звяртаем вашу ўвагу, што, пачынаючы ад верасня 2012 года, ў парафіі Св. Яна Хрысціцеля змяняецца расклад набажэнстваў у нядзелю.

Апошнія аднаўленні

© 2006-2017 Рымска-каталіцкая парафія Св. Яна Хрысціцеля ў г. Мінску