Як і кожны год, вечар сабраў у капліцы ўсіх парафіяльных музыкаў, як прафесійных, так і любіцеляў. Уражвае тое, што з кожным годам колькасць нумароў павялічваецца. Так, падчас канцэрта на імправізаванай сцэне выступалі самыя маленькія – дзіцячы хор, падлеткі, молаздь  і, канешне ж, сэрца парафіяльнай музыкі – хор пад кіраўніцтвам Алены Пікус. Актыўны удзел прынялі таксама парафіяльныя суполкі: маладыя сем’і, аніматары і кандыдаты. Нельга таксама не прыпомніць самых смелых удзельнікаў канцэрта – салістаў: душэўны спеў у выкананні Настассі Субач, віртуознае гітарнае сола ад Івана Мацейка, сола на саксафоне ад Стаса Лазарава, а таксама вершаванае выступленне Яны Маціс.

Кранаючае выступленне прадставіў гурт Небасхіл з удзелам кс. Паўла Шчарбіцкага SDB.

Не засталіся на апошнім мейсцы і салезіяне. Упершыню на сцене з’явўся імправізаваны гурт салезіян-супрацоўнікаў. Ну а чорна-шэры нумар ад ксяндзоў і сясцёр, як і заўсёды, атрымаў бурныя апладысменты зала.

Радасна, што традацыі нашай парафіі набываюць развой і падтрымку сярод прыхаджан. Спадзяёмся, што на будучы год мы пабачым яшчэ больш новых удзельнікаў.

Таццяна Перадкова