14-га лютага ў мінскім араторыі імя св. Яна Боска моладзь адсвяткавала карнавал, які традыцыйна ладзіцца ў апошнія дні перад распачаццем Вялікага Паста.
У суботні вечар моладзь сабралася на вячэрняй св. Імшы, каб распачаць святкаванне разам з Езусам. Падчас гаміліі кс. Павел Шчарбіцкі SDB, вельмі моцна падкрэсліў тэматыку першага чытання з Літургіі Слова аб хваробе праказы. Святар адзначыў, што вельмі часта такую духоўную і маральную “праказу” мы, хрысціяне, носім на сабе, не ведаючы аб гэтым. Кс. Павел падкрэсліў, што лячэнне заўсёды пачынаецца з высвятлення сімптомаў і як вынік - самой хваробы. Толькі калі мужна прызнаемся да сваёй хваробы, мы зможам распачаць эфектыўнае лячэнне з дапамогай ласкі Божай і святарскай паслугі.
Пасля Эўхарыстыі, ўсе былі запрошаныя ў араторый, дзе сабраных чакала цікавая праграма. Сёлятні карнавал быў прысвечаны часам святога апостала Турыну і называўся “Сарванцы Дона Боска”. Усе ўдзельнікі мелі прыгатаваць адмысловыя касцюмы, якія б адпавядалі адзенню вулічнай моладзі ХІХ-га ст.
Галоўнымі героямі свята былі мама кс. Боска, Маргарыта і двух яго выхаванцаў: Міхал Магонэ і Барталамей Гарэллі, якія вялі каманды да св. Яна Боска праз выпрабаванні і цікавыя конкурсы. Напрыкацы ўдзельнікі сустрэліся з Донам Боска, які развесяліў прысутных цікавай гульнёй, а пасля распавёў традыцыйнае слоўка на добрую ноч.
Матэрыял сайта www.sdb.by
