Рымска-каталіцкая парафія св. Яна Хрысціцеля ў г. Мінску

УВАГА! З верасня існуе новы расклад набажэнстваў!

: Катэгорыя: Навіны; Створана 09 Верасень 2008

У нядзелю
8.30 - святая Імша (на польскай мове).
10.00 - святая Імша Сумма (на беларускай мове).
12.00 - святая Імша для дзяцей (на беларускай мове).
13.00 - Гадзінкі аб Беззаганным Зачацці Найсвяцейшай Панны Марыі
13.30 - святая Імша для моладзі (на беларускай мове).
18.15 - традыцыйныя Нешпары.
19.00 - святая Імша (на беларускай мове).

Кожную суботу, акрамя абавязковых святаў, святая Імша на 19.00 лічыцца, як святая Імша з нядзелі.

Падрабязней: УВАГА! З верасня існуе новы расклад набажэнстваў!

Тыдзень у Бенедыктбоерн

: Катэгорыя: Навіны; Створана 09 Верасень 2008

У пачатку жніўня група аніматараў атрымала магчымасць прыняць удзел ў спатканні моладзі Еўропы. Нашае падарожжа на чале з айцом Ігарам Лашуком распачалося 6 жніўня, калі мы развіталіся са сваімі роднымі і, атрымаўшы Божае благаслаўленне на дарогу, выехалі за межы горада Мінска. Па дарозе да нас далучалыся група са Смаргоні разам з айцом Віктарам Гайдукевічам.

Падрабязней: Тыдзень у Бенедыктбоерн

Малітва да св. Юзафа

: Катэгорыя: Навіны; Створана 04 Верасень 2008

У інтэнцыі хутчэйшага будаўніцтва новага касцёла, аб пераадоленні ўсялякіх перашкодаў, у нашай парафіі арганізавана штодзённая малітва да св. Юзафа. Яна адмаўляецца пасля кожнай св. Імшы. Вернікі таксама могуць далучыцца да малітвы.

Тэкст малітвы дададзены ніжэй:

Малітва да св. Юзафа

У Цябе, святы Юзэфе, шукаем мы паратунку ў нашай нядолі. Звяртаючыся па дапамогу да тваёй Найсвяцейшай Абранніцы Панны Марыі, з даверам просім таксама тваёй апекі. Праз любоў, якая яднала цябе з Найсвяцейшай Багародзіцай, і праз тваю айцоўскую апеку, якою ты атуляў Езуса ў дзяцінстве, пакорна просім: узглянь ласкава на спадчыну, якую Езус Хрыстус здабыў крывёю сваёю, і сваім магутным заступніцтвам дапамажы нам у патрэбах нашых.

Прадбачлівы Апякуне Сям’і Божай, апякуйся абраным патомствам Езуса Хрыста. Адхілі ад нас, мілы ойча, усялякія памылкі і спакусы. Магутны наш абаронца! Прыйдзі да нас ласкава з нябеснаю дапамогаю ў гэтым змаганні з сіламі цемры і, як некалі ў дзяцінстве выратаваў Езуса ад небяспекі, якая пагражала Ягонаму жыццю, так цяпер барані святы Касцёл Божы ад варожых нападаў і ўсялякіх перашкодаў.

Атуляй кожнага з нас нястомнаю апекаю, каб мы, па твайму прыкладу і тваёю дапамогаю падтрыманыя, маглі жыць у святасці, памерці пабожна і атрымаць вечнае шчасце ў небе. Амэн.