Сённяшні дзень распачаўся для пілігрымаў а 9 гадзіне, калі яны вырушылі да Салезіянскай школы, дзе адбылася праца ў групах. Падчас працы ў групах, у якіх сабраліся прадстаўнікі розных краін, увага была скіравана на абмеркаванне маладымі людзьмі пытанняў, якія яны раней атрымалі.Кожны чалавек вывыказвае свае думкі, дзеліцца сваімі пачуццямі, спачуваннямі... У такіх момантах веды англійскай мовы - вельмі важны аспект, калі ты сапраўды жадаеш адчыніць свае сэрца іншым.

 Затым мы мелі магчымасць прыняць удзел у св. Імшы, падчас якой прадстаўнікі беларускай, іспанскай, нямецкай і французкай груп дзякавалі Богу за магчымасць прабываць разам падчас Сусветных Дзён Моладзі. Як знак падзякі, маладыя людзі прынеслі да алтара папяровае дрэва, да якога пасля ўся моладзь далучыла свае выразаныя з зялёнай паперы далоні, на якіх падчас працы ў групах мы пісалі рэчы, якія любім больш за ўсе.

Потым мы аглядалі замак, які знаходзіцца ў межах горада і які калісьці з’яўляўся абарончай вежай горада. Побач з замкам мы мелі магчымасць убачыць архіў горада, у якім захоўваецца шмат дакументаў, як з цяперашніх часоў, так і старажытныя.

Пасля ўвечары мы прыйшлі  на плошчу, дзе адбылася малітоўная сустрэча. Падчас казання біскуп Азкана, які праводзіў малітву, заклікаў кожнага з маладых людзей не баяцца. Не баяцца нічога і сведчыць, што Хрыстус прыходзіць да нас, каб укараніцца ў нашых сэрцах.

З такімі прыемнымі думкамі і разважаннямі ў сэрцах мы накіраваліся да дому, які стаў такім родным і адкуль ужо трэба ад’яджаць, бо нас чакае Мадрыд, а яшче больш чакае Хрустыс, Які радуецца, калі бачыць, што мы любім Яго, і Які заўседы накіроўвае нас на верны шлях.