Наступны дзень нашай вандроўкі быў прысвечаны Маці Божай, да якой пілігрымы у напрамку Францыі - у горад Люрд. Далёкі шлях здаваўся нам не такім доўгім, бо кожны ўдзельнік з захапленнем чакаў сустрэчы з Маці Божай, трымаючы ў серцы ўласныя інтэнцыі і просьбы.

 

Адразу пасля прыезду ў Люрд пілігрымы мелі магчымасць прыняць удзел у св. Імшы - група з Беларусі была адказнай за літургію, таму лягчэй было спяваць на сваёй роднай мове. Пасля смачнага абеду, які быў прыгатаваны для нас у доме місійным, мы выправіліся ў падарожжа да Марыі.

Часу не было так шмат, але стараліся выкарыстаць яго на карысць і для духоўнага развіцця. Тыя, хто меў жаданне, маглі спусціцца ў купельню і пасля малітвы ў цішыні прадставіць Богу свае просьбы. Таксама быў час на асабістую сустрэчу с Богам і Марыяй праз удзел у малітвах, наведванні базілік, асабісты падыход да грота, дзе калісці дзяўчынцы Бернадэцце аб'яўлялася Марыя.

 

Гэты дзень пакінуў плён у сэрцах усіх пілігрымаў, якія прыехалі да сваёй Нябеснай Маці.