20 лістапада 2009 г. у мінскай парафіі Святога Яна Хрысціцеля (Серабранкаўскі дэканат) у межах сімпозіума «Ксёндз Ян Боска — учора, сёння і заўтра», прысвечанага 150-годдзю заснавання салезіянскага таварыства, адбылася святая Імша.

 

Цэлебрацыю ўзначаліў дапаможны біскуп Мінска-Магілёўскай архідыяцэзіі Антоні Дзям’янка. Канцэлебравалі Эўхарыстыю Апостальскі Візітатар для грэка-католікаў у Беларусі Архімандрыт Сяргей Гаек, ксяндзы салезіяне з Беларусі, Італіі, Германіі, Расіі, Польшчы.

У гэты вечар на літургіі сабраліся вернікі мінскіх парафій, а таксама са Смаргоні, Бараўлянаў, Адэсы і Карастышава (Украіна), якія разам са сваімі душпастырамі дзякавалі Богу за паўтаравекавую дзейнасць ксяндзоў салезіянаў, а перш за ўсё за тых, якія нясуць служэнне сёння.

Гамілію прамовіў біскуп Дзям’янка, які закрануў праблему выхавання ў сучасным свеце і адзначыў значэнне хрысціянскага выхавання ў развіцці маладога пакалення.

Поўны тэкст гаміліі >>>

Прапануем таксама вашай увазе: Фотаздымі з набажэнства >>> 

 

Першы дзень сімпозіума завяршыўся канцэртам парафіяльнага музычнага гурта «Небасхіл».

 

Прапануем таксама вашай увазе: Фотаздымі з канцэрта >>>