Згодна з літургічным календаром на гэтым тыдні прыпадае: 

• 15 лістапада, аўторак – Успамін св. Альберта Вялікага, біскупа
  і доктара Касцёла.
• 16 лiстапада, серада – Успамін Найсвяцейшай Панны Марыі, Маці Міласэрнасці (Маці Божай Вастрабрамскай).
• 17 лiстапада, чацвер – Успамін св. Альжбеты Венгерскай, законніцы.
• 20 лістапада, нядзеля – Урачыстасць Пана Нашага Езуса Хрыста, Валадара Сусвету.

З жыцця нашай парафіі і нашага араторыя: 

• На працягу месяца лістапада ў нашай святыні па буднях у 18.00 молімся на св. Ружанцы за нашых памерлых. Заахвочваем вернікаў далучацца да малітвы!
• 20 лістапада, нядзеля – збор ахвяраванняў прызначаецца на патрэбы Міждэяцэзіяльнай вышэйшай духоўнай семінарыі ў Гродна.
• 20 лістапада, нядзеля – пройдуць 2 святочных мерапрыемствы:

-    канцэрт у гонар Хрыста Валадара і ўспамін св. Цэцыліі.  Да ўдзелу запрашаем кожнага, хто жадае падзяліцца музычнымі талентамі і здольнасцямі.  У якасці нумара можна прадставіць як музычны твор, так і прыгожы спеў. Запісацца можна ў нашым парафіяльным кіёску.   

-    конкурс караваяў. Прапануем усім жадаючым падрыхтаваць салодкія пачастункі і печыва, якія будуць ацэнены спецыяльнай конкурснай камісіяй. Пасля падвядзення вынікаў конкурсу адбудзецца суместны салодкі стол.

Праграма свята: 10.00 – урачыстая св. Імша. Пасля св. Імшы ў нашым араторыі адбудзецца святочны канцэрт і конкурс караваяў
УВАГА! У гэты дзень (20.11.22 г.)  св. Імшы на 12.00 не будзе!

• У наступную нядзелю, 20 лістапада ў 17.00 адбудзецца чарговае малітоўнае спатканне апостальства МБПДС. Запрашаем!
• У нашым парафіяльным кіёску можна новы часопіс “Авэ Марыя”,
  а таксама літургічныя каляндары на новы 2023 год.
• Выказаваем шчырую падзяку ўсім вернікам, хто на гэтым тыдні прыйшоў на суботнік дапамагчы ў працах пры будове нашай новай святыні. Божа, адары ўсіх патрэбнымі ласкамі!
• Таксама выказваем шчырую падзяку ўсім вернікам, ахвярадаўцам
  і дабрачынцам за матэрыяльныя ахвяраванні і дапамогу ў будаўніцтве нашай святыні. Божа, адары кожнага патрэбнымі ласкамі!