Згодна з літургічным календаром на гэтым тыдні  прыпадае:

• 09 лістапада, аўторак – свята гадавіны пасвячэння Латэранскай базылікі.
• 10 лістапада, серада – успамін св. Льва Вялікага, папы і доктара Касцёла.
• 11 лістапада, чацвер – успамін св. Марціна Турскага, біскупа.
• 12 лістапада, пятніца – свята св. Язафата, біскупа і мучаніка.
• 13 лістапада, субота – успамін бл. Арцемія Дзацці, салезіяніна.

З жыцця нашай парафіі і нашага араторыя:

• 10 лістапада адбудзецца малітва за памерлых на вайсковых могілках на вул. Казлова 11. Да ўдзелу запрашаюцца члены Апостальства Дапамогі Душам Чысцовым і ўсе жадаючыя. Пачатак ў 17.30 каля галоўнай брамы.
• 11 лістапада, чацвер - у 20.00 у капліцы адбудзецца бацькоўскі сход для дзяцей, якія у гэтым годзе праходзяць другі год падрыхтоўку да першай Святой Камуніі, (дзеці, у якіх катэхезу праводзіць с. Люцыя). Сардэчна запрашаем!
• 13 лістапада, субота - у 17.00 адбудзецца св. Імша для апостальства Маці Божай Патронкі Добрай Смерці. Запрашаем!
• На працягу ўсяго месяца лістапада па буднях у 18.00 молімся на св. Ружанцы за нашых памерлых. Заахвочваем вернікаў далучацца да малітвы!
• 21 лістапада, нядзеля - парафія св. Яна Хрысціцеля запрашае на святочны канцэрт у гонар Хрыста Валадара і ва ўспамін св. Цэцыліі. Праграма свята: 10.00 – урачыстая св. Імша. Пасля св. Імшы адбудзецца святочны канцэрт. Да ўдзелу ў канцэрце запрошаны ўсе. Можна падрыхтаваць як музычны твор, так і прыгожы спеў. Запісацца можна ў Радзюш Вольгі. У гэты дзень св. Імшы на 12.00 не будзе!
• Заахвочваем вернікаў набываць у нашым парафіяльным кіёску новыя часопісы “Авэ Марыя” і “Наша Вера”, а таксама цікавую гістарычную кнігу пра лёс САЛЕЗІЯНАЎ на нашай бацькаўшчыне з 1921 па 2021 год. Кніга з’яўляецца вынікам доўгай і стараннай працы кс.  Артура Ляшнеўскага, нашага святара, які прылажыў шмат намаганняў у пошуках гістарычных матэрыялаў. Ушаноўваючы ахвярную працу святароў салезіянаў на працягу  стагоддзя, заахвочваем вернікаў набываць гэтую гістарычную кнігу!

Таксама ў нашым парафіяльным кіёску можна набыць новую  літаратуру з жыцёрысам св. Яна Боско,  літаратуру на Біблейскую тэматыку, а таксама свечкі і лампадкі для ўшанавання нашых блізкіх памерлых у месяцы лістападзе.

• Выказваем шчырую падзяку ўсім нашым вернікам, ахвярадаўцам і дабрачынцам за матэрыяльныя ахвяраванні і дапамогу ў пагашэнні доўгу за выкананыя будаўнічыя працы ў новай святыні. Божа, адары кожнага патрэбнымі ласкамі!