Згодна з літургічным календаром на гэтым тыдні  прыпадае:

• 28 кастрычніка, чацвер – свята св. Сымона і Юды, апосталаў, а таксама дзень імянінаў арцыбіскупа Тадэвуша Кандрусевіча. Памятаем аб ім нашых малітвах.
• 29 кастрычніка, пятніца – успамін бл. Міхала Руа, святара салезіяніна.

З жыцця нашай парафіі і нашага араторыя: 

• Па традыцыі ў месяцы лістападзе молімся за нашых памерлых. Спіскі з імёнамі просім прыносіць ў парафіяльны кіёск.
• 1 лістапада, панядзелак – урачыстасць Усіх Святых. Разпарадак св. Імшаў у гэты дзень у нашай святыні будзе наступны: 7.00; 11.00; 19.00.
• 2 лістапада, аўторак – успамін усіх памерлых вернікаў. Разпарадак св. Імшаў у гэты дзень у нашай святыні будзе наступны: 8.00; 19.00.  У 17.00 разпачынаем зачытваць спіскі з імёнамі нашых блізкіх памерлых, якія вы падавалі ў наш парафіяльны кіёск і за якіх у 19.00 будзе справавацца св. Імша.
• На працягу месяца лістападу ў нашай святыні па буднях у 18.00 будзем маліцца на св. Ружанцы за нашых памерлых. Заахвочваем вернікаў далучацца да малітвы!
• Падчас восеньскіх канікул, з 2 па 4 лістапада, запрашаем дзяцей з 3 па 6 клас у восеньскі араторый. Араторый будзе праходзіць з 9 да 15 гадзін. Падчас праграмы прадугледжаны пасілак. Кошт удзелу 12 рублёў. Запісацца можна ў парафіяльным кіёску. За больш падрабязнай інфармацыяй просім звяртацца да кс. Алега Каралёва.
• Заахвочваем вернікаў набываць у нашым парафіяльным кіёску новыя часопісы “Авэ Марыя” і “Наша Вера”, а таксама вельмі цікавую гістарычную кнігу пра лёс САЛЕЗІЯНАЎ на нашай бацькаўшчыне з 1921 па 2021 год. Кніга з’яўляецца вынікам доўгай і стараннай працы кс.  Артура Ляшнеўскага, нашага святара, які прылажыў шмат намаганняў у пошуках гістарычных матэрыялаў. Ушаноўваючы ахвярную працу святароў салезіянаў на працягу  стагоддзя, заахвочваем вернікаў набываць гэтую гістарычную кнігу! У нашым парафіяльным кіёску можна набыць новую  літаратуру з жыцёрысам св. Яна Боско,  літаратуру на Біблейскую тэматыку, а таксама свечкі і лампадкі для ўшанавання нашых блізкіх памерлых у месяцы лістападзе.
• Выказваем шчырую падзяку ўсім нашым вернікам, ахвярадаўцам і дабрачынцам за матэрыяльныя ахвяраванні і дапамогу ў пагашэнні доўгу за выкананыя будаўнічыя працы ў новай святыні. Божа, адары кожнага патрэбнымі ласкамі!