Згодна з літургічным календаром на гэтым тыдні прыпадае:
- 11 кастрычніка, панядзелак – успамін св. Яна ХХІІІ, папы.
- 13 кастрычніка, серада – успамін благаслаўлёнай Александрыны Марыі да Коста салезіянкі-супрацоўніцы. У гэты дзень у гонар успаміну благаслаўлёнай у 19.00 будзе справавацца Святая Эўхарыстыя ў інтэнцыі ўсіх салезіянаў-супрацоўнікаў.
- 14 кастрычніка, чацвер – успмін св. Калікста І, папы і мучаніка.
- 15 кастрычніка, пятніца – успамін св. Тэрэзы ад Езуса, панны і доктара Касцёла
- 16 кастрычніка, субота – успамін св. Ядзвігі, законніцы, а таксама св. Маргарыты Марыі Алякок, панны.
З жыцця нашай парафіі і нашага араторыя:
- 14 кастрычніка, чацвер – у 20.00 у капліцы адбудзецца бацькоўскі сход для дзяцей, якія у гэтым годзе распачалі падрыхтоўку да першай Святой Камуніі (тыя дзеці, у якіх катэхезу праводзіць с.Юля). Сардэчна запрашаем!
- 16 кастрычніка, субота – ў архікатэдральным касцёле г. Мінска ў 18.30. адбудзецца агульная Эўхарыстычная падзяка за 100-гадовую працу салезіянаў на Беларусі. Св.Імшу ўзначаліць апостальскі нунцый. Падчас Эўхарыстыі будуць прысутнічаць ўсе беларускія біскупы
і салезіяне. Гэта добрая нагода выказаць падзяку святарам, якія нясуць сваё служэнне ў нашай краіне. Запрашаем прыняць удзел!
З гэтай нагоды св. Імшы на 17.00 для членаў апостальства душ чысцовых у нашай святыні не будзе. Св. Імша за душы церпячыя
ў чысцу пераносіцца на суботу 23 кастрычніка на 17.00 гадзіну.
- 17 кастрычніка, нядзеля - адбудзецца святкаванне юбілею 100-годдзя Салезіянскай прысутнасці на Беларусі ў нашай парафіі. Урачыстую св. Імшу на 10.00 узначаліць дапаможны біскуп Мінска-Магілёўскай архідыяцэзіі, біскуп Аляксандр Яшэўскі. Таму распарадак св. Імшаў
у нашай парфіі 17 кастрычніка будзе наступны: 8.00; 10.00 (урачыстая св. Імша); 19.00. Св. Імшы на 12.00 не будзе!!! Просім паведаміць аб гэтым іншых вернікаў. - 17 кастрычніка, нядзеля – прыпадае ІІІ-ая нядзеля месяца. Згодна
з традыцыяй нашай парафіі ахвяры будзем збіраць на патрэбы будовы нашай новай святыні. Ахвяры збіраем на пагашэнне доўгу за выкананыя раней будаўнічыя працы. Просім вернікаў быць зразумелымі, адкрытымі і ахвярнымі. Божа адудзяч кожнаму! - Прыпамінаем і заахвочваем моладзь і дзяцей запісвацца на заняткі па рэлігіі. Запісацца можна ў нашым парафіяльным кіёску. Просім бацькоў і апекуноў паклапаціцца аб гэтым! Распарадак заняткаў размешчаны на дошцы аб’яў і пры парафіяльным кіёску.
- СТУДЭНТЫ І ПРАЦУЮЧАЯ МОЛАДЗЬ! Пры нашай парафіі
і араторыі распачалiся катэхезы для студэнтаў, навучэнцаў і працуючай моладзі. Сустрэчы для студэнтаў і навучэнцаў праходзяць па аўторках у класе № 2 у будынку капліцы. Сустрэчы праводзіць кс. Артур Ляшнеўскі. Сустрэчы для працуючай моладзі адбываюцца па серадах у класе № 2 у будынку капліцы. Сустрэчы праводзіць кс. Алег Каралёў. - Таксама па аўторках і серадах запрашаем вернікаў і моладзь на малітву “Літургія гадзінаў” (БРЭВІЯРЫЙ), якая праходзіць ў нашай святыні
а гадзіне 19.45. - ЗАПРАШАЕМ ХЛОПЦАЎ СТАЦЬ МІНІСТРАНТАМІ ў нашай парафіі, каб служыць Богу пры алтары. Запісацца можна ў закрыстыі.
- У лучнасці з усім Касцёлам, на працягу ўсяго месяца кастрычніка молімся на Святым Ружанцы ў інтэнцыі супакою ва ўсім свеце,
а таксама аб ласку хуткага спынення пандэміі. Набажэнствы Ружанцовыя з выстаўленнем Найсвяцейшага Сакрамэнту для ўсіх вернікаў адбываюцца па будням а 18.00 гадзіне. Для моладзі – па пятніцам у 20.00. Для дзяцей і бацькоў – па суботах ў 16.00. Ўсіх запрашаем! - Па традыцыі ў месяцы лістападзе молімся за нашых памерлых. Спіскі з імёнамі можна прыносіць ў парафіяльны кіёск.
- Заахвочваем вернікаў набываць у нашым парафіяльным кіёску новы часопіс “Авэ Марыя”, Біблію з каментарыямі, дзіцячую Біблію
і Біблейскія маляванкі для дзяцей, а таксама новы малітоўнік на беларускай мове! - Выказваем шчырую падзяку ўсім нашым вернікам, ахвярадаўцам
і дабрачынцам за матэрыяльныя ахвяраванні і дапамогу ў пагашэнні доўгу за выкананыя будаўнічыя працы ў новай святыні. Божа, адары кожнага патрэбнымі ласкамі!
