Згодна з літургічным календаром на гэтым тыдні  прыпадае:

• 4 кастрычніка, панядзелак – успамін св. Францішка Асізскага.
• 5 кастрычніка, аўторак – успамін св. Фаўстыны Кавальскай, панны, а таксама успамін бл. Альберта Марвэллі, салезіянскага выхаванка і аніматара.
• 6 кастрычніка, серада – успамін св. Бруна, прэзбітэра.
• 7 кастрычніка, чацвер – успамін Найсвяцейшай Панны Марыі Ружанцовай, а таксама першы чацвер месяца. У лучнасці з усім касцёлам молімся аб новыя і святыя пакліканні да манаскага і святарскага жыцця.
• 9 кастрычніка, субота – успамін св. Дыянісія, біскупа, і паплечнікаў, мучанікаў, а таксама ўспамін св. Яна Леанардзі, прэзбітэра.

З жыцця нашай парафіі і нашага араторыя:

• Прыпамінаем і заахвочваем моладзь і дзяцей запісвацца на заняткі па рэлігіі. Запісацца можна ў нашым парафіяльным кіёску. Просім бацькоў і апекуноў паклапаціцца аб гэтым! Распарадак заняткаў размешчаны на дошцы аб’яў і пры парафіяльным кіёску.
• УВАГА! СТУДЭНТЫ І ПРАЦУЮЧАЯ МОЛАДЗЬ! Пры нашай парафіі і араторыі распачалiся катэхезы для студэнтаў, навучэнцаў і працуючай моладзі.

Сустрэчы для студэнтаў і навучэнцаў праходзяць па аўторках у класе № 2 у будынку капліцы. Сустрэчы праводзіць кс. Артур Ляшнеўскі. Сустрэча для працуючай моладзі адбываюцца па серадах у класе № 2, у будынку капліцы. Сустрэчы праводзіць кс. Алег Каралёў.

Таксама запрашаем вернікаў і  моладзь па аўторках і серадах на малітву “Літургія гадзінаў” (брэвіярый), якая праходзіць ў нашай святыні а гадзіне 19.45.

• Запрашаем дзяцей 5-га і 6-га класа далучыцца да суполкі Савіо-клуб. У суполцы дзяцей чакаюць цікавыя сустрэчы, гульні і выезды. Запісацца можна ў с. Юліі Клевец.
• Запрашаем хлопцаў стаць міністрантамі ў нашай парафіі, каб служыць Богу пры алтары. Запісацца можна ў закрыстыі.
• У лучнасці з усім Касцёлам, на працягу ўсяго месяца кастрычніка молімся на Святым Ружанцы ў інтэнцыі супакою ва ўсім свеце, а таксама аб ласку хуткага спынення пандэміі. Набажэнствы Ружанцовыя з выстаўленнем Найсвяцейшага Сакрамэнту для ўсіх вернікаў адбываюцца па будням а 18.00 гадзіне. Для моладзі – па пятніцам у 20.00. Для дзяцей і бацькоў – па суботах ў 16.00. Ўсіх запрашаем!
• 5 кастрычніка, аўторак – запрашаем усіх членаў апостальства душ чысцовых і ўсіх жадаючых на нешпары за памерлых. Набажэнства адбудзецца ў капліцы ў 17.30. Пасля нешпараў для членаў апостальства адбудзецца фармацыйнае спатканне.
• 9 кастрычніка, субота – а 17.00 гадзіне, у нашай святыні будзе справавацца Св. Эўхарыстыя ў інтэнцыі “Руху Маці Божай Патронкі добрай смерці”. Запрашаем!
• З 16 кастрычніка Салез’янская сям’я распачынае святкаванне Юбілею 100-годдзя Салезіянскай прысутнасці на Беларусі. Запрашаем ўсіх вернікаў далучыцца да святкавання! У нашай парафіі святкаванне Юбілею будзем святкаваць 17 кастрычніка ўрачыстай св. Імшой на 10.00, якую ўзначаліць дапаможны біскуп Мінска-Магілёўскай архідыяцэзіі, біскуп Аляксандр Яшэўскі. Таму разпарадак св. Імшаў у нашай парфіі 17 кастрычніка будзе наступны: 8.00; 10.00 (урачыстая св. Імша); 19.00. Св. Імшы на 12.00 не будзе!!! Просім паведаміць аб гэтым іншых вернікаў.
• Заахвочваем вернікаў набываць у нашым парафіяльным кіёску новы часопіс “Авэ Марыя”, Біблія з каментарыямі, дзіцячая Біблія і Біблейскія маляванкі для дзяцей, а таксама новы малітоўнік на беларускай мове!
• Можна прыносіць ў парафіяльны кіёск спіскі з імёнамі нашых блізкіх памерлых, за якіх будзем маліцца на працягу ўсяго месяца лістапада.
• Выказваем шчырую падзяку ўсім нашым вернікам, ахвярадаўцам і дабрачынцам за матэрыяльныя ахвяраванні і дапамогу ў пагашэнні доўгу за выкананеыя будаўнічыя працы ў новай святыні. Божа, адары кожнага патрэбнымі ласкамі!