У чацвер 24 мая, ва Урачыстасць Найсвяцешай Панны Марыі Успамогі Хрысціянаў, адбыўся традыцыйны парафіяльны канцэрт, прысвечаны гэтаму святу.

 

Пачынаў канцэрт парафіяльны хор пад кіраўніцтвам Алены Пікус, які выканаў два традыцыйныя спевы у гонар Маці Божай.

Пасля прагучалі акустычныя тры творы ў выкананні Івана Мацейкі і Паўла Купцова, якія прадэманстравалі віртуозны ўзровень гульні на гітары.

 

Канцэрт працягнуў гурт "Небасхіл" у сваім новым саставе са спевамі "Езус Пан і Валадар маёй душы","Роза"  і "Исус, Ты - любовь моя".

 

Таксама ў канцэрце прыняў удзел Данііл Лазараў, які выканаў "Польку" і "Вальс" на акардэоне.

Невялікім сюрпрызам быў спеў "О Пане мой", які напісаў кс. Павел Шчарбіцкі, ў выкананні моладзі, а таксама Гімн да Маці Божай у выкананні "новых Серых мышак" - гурта сяцёр-салезіянак.

 

Напрыканцы прагучаў спеў-малітва "Цудоўны вечар". Шчыра дзякуем за выдатнае выкананне і добры настрой, які падаравалі выканаўцы.