8 снежня ва ўрачыстасць Беззаганнай Панны Марыі падчас вячэрняй Святой Імшы ў нашай парафіі адбыліся две важныя падзеі.
Дзеці з суполкі “Сябры Марыі”, якія прайшлі фармацыйную падрыхтоўку і згадзіліся прыняць на сябе абавязкі быць сапраўднымі сябрамі Езуса і Марыі, склалі сваю прысягу, ахвяруючы сабе і сваю працу ў рукі Панны Марыі.

Пасля слоў Святога Евангелля 8 кандыдатаў падыйшлі да алтара і пры запаленых свечках, стоячы на каленях, прачыталі акт аддання Найсвяцейшай Панне Марыі. Пасля малітвы святара дзеці яшчэ раз цвёрда паабяцалі выконваць свае абавязкі, падцвердзіўшы свой выбар словамі прысягі. У знак прыняцця на сабе абавязкаў “Сябра Марыі” і далучэння кожнага кандыдата да гэтай суполкі ксёндз Аляксандр Фаміных, якія адпраўляў гэту ўрачыстую Святую Імшу, надзеў кожнаму медалікі з выявай Марыі і Езуса.
Падчас гэтай Святой Імшы таксама былі адноўлены абяцанні ўсіх членаў руху “Чыстыя сэрцы”. Моладзь, а таксама ўсе жадаючы далучыцца да гэтага руху, падышоўшы да алтара, склалі свае абяцанні аб захаванні чысціні да шлюбу.
Пасля Святой Імшы дзеці з суполкі “Сябры Марыі” разам са сваімі бацькамі былі запрошаны ў моладзевы цэнтр на невялікі святочны вечар.

{gallery}http://serebranka.sdb.by/2/images/phocagallery/2010.12.08_Maryi_Bezzagannaj/{/gallery}