Вялікая Субота – адна з найвялікшых урачыстасцей у Касцёле каталіцкім, урачыстасць Уваскрасення Хрыста, перамогі Яго над смерцю, а таксама вызваленне чалавецтва ад грахоў. У гэты дзень вернікі аднаўляюць абяцанні, складзеныя некалі падчас Сакрамэнту Хросту, за што Касцёл дае поўны адпуст.

Урачыстасць Вялікай Суботы пачалася ў нашым касцёле ў 20.30. з асвячэння Пасхальнага агню. Падчас урачыстай працэсіі, калі новы Пасхал быў унесяны ў святыню, вернікі запальвалі ад яго свечкі, перадаючы, такім чынам, адзін адному Святло Хрыста.
Затым адбылася літургія слова, калі былі прачытаны ўрыўкі з Кніг Быцця і Зыходу, каб прыпомніць, што свята Пасхі – гэта свята пераходу ад смерці да жыцця і ад граху да святасці.

Урачастую гамілію прамовіў да вернікаў ксёндз-пробашч Ігал Лашук, які узначаліў цэлебрацыю св. Імшы. Ён звярнуў асаблівую ўвагу на Цуд Уваскрашэння Хрыстова, галоўную Праўдуверы кожнага хрысціяніна.

Прапануем вашай увазе аўдыа-варыянт гаміліі, які можна праслухаць, альбо спампаваць (4мб) на нашым сайце: 

{audio}http://serebranka.sdb.by/2/images/stories/files/2010-04-03_hamilia_Pach_vihil_Laszuk.mp3{/audio}

Падчас урачыстасці адбыўся таксама Сакрамэнт асвячэння вады і Хросту. Хрысціянская супольнасць прыняла да сябе трох новых членаў.

 

Напрыканцы ксёндз-пробашч павіншаваў усіх прысутных словамі ”Хрыстос Уваскрос!”