Дарога цярпення, роздуму, пакуты; дарога, якая патрабуе пэўнага часу, якога так нам не хапае… Дарога вельмi жудасная, страшная, бо мы разам з Хрыстом абыходзiм Яго боль i муку…

Сучаснаму чалавеку цяжка ўявiць, што гэта - несцi свой крыж на гару, дзе ён памрэ, праз тоўпы народу, якiя асуджаюць, здекваюцца, нават плююць… Так цяжка ўявiць . Але i сення мы нясём крыжы нашых грахоў, праблемаў, сумненняў. Але гэта НАШЫ грахi… А Хрыстос узяў чужы крыж …
Усё таму, што гэта патрэбна для збаўлення чалавецтва, i гэта дарога вядзе нас да неба…
У мiнулую пятнiцу адбылася чарговая Крыжовая дарога. А ты прысутнічаў? Iшоў разам з Хрыстом? Чуў стук Яго сэрца?
…Вазьмі далоні, якія Я табе працягваю, i моцна прытуліся да Мяне. Табе будзе лягчэй ісці. Гэта адзіны спосаб рухацца наперад. Не бойся, паспрабуй. Дарога ня будзе доўгай і цяжкай, бо будзем ісці разам: Я і ты…

 

Матэрыял падрыхтавала Качан Алена.