Адрас: вул. Пляханава, 28 к1,
  Мінск, Рэспубліка Беларусь
☎капл +375 17 3679386
☎канц +375 17 3683856
E-mail: serebranka@sdb.by

 

 

 

 

 

Першая Кантакт Для друку

Аб'явы

 

4-ая Адвэнтовая Нядзеля - 23 снежня 2018 года

Згодна з літургічным каляндаром нашай архідыяцэзіі на гэтым тыдні ўспамінаем і святкуем.

·        23, Ндз. – а 10.00 гадзіне ў нашу святыню прыбыў Бэтлеемскі агонь. Заахвочваем усіх вернікаў набываць яго да дому на святочны стол.

·        24, Пн. – Урачыстасць Нараджэння Пана. Св. Імшы ў нашай святыні будуць:

7.00 – Раратняя Св. Імша;

20.00 – вігілійны аплатак з пажылымі і адзінокімі людзьмі ў нашай святыні.

22.00 – Вігілійная Св. Імша;

24.00 – Св. Імша Пастэрка.

·        25, Ат. – Урачыстасць Нараджэння Пана. Св. Імшы ў нашай святыні будуць: 8.00; 10.00. 12.00. А 14.00 і 19.00 гадзіне ў гэты дзень Св. Імшаў не будзе.

·        26, Ср. – Свята Св. Стэфана, першамучаніка. У гэты дзень да асвячэння можна прынесці авёс.

·      27, Чц. – Свята Св. Яна Апостала і Евангеліста. Згодна з хрысціянскай традыцыяй у гэты дзень да асвячэння можна прынесці віно.

·     28, Пт. – Свята Св. Немаўлят, мучанікаў. Асаблівым чынам у лучнасці з усім касцёлам молімся за ненароджаных дзетак, якія знаходзяцца яшчэ пад сэрцам сваёй маці.

·   29, Сб. –  а 11.00 гадзіне адбудзецца аплатковае спатканне для ўсіх дзетак з арцыбіскупам Тадэвушам Кандрусевічам. Запрашаем усіх дзетак і бацькоў. Спатканне разпачнецца Cв. Эўхарыстыяй у нашай святыні.

З жыцця і падзей нашай парафіі і нашага араторыя:

ü  У нашым парафіяльным кіоску можна набыць аплаткі, літургічныя каляндары, Святочныя часопісы з малітвамі, свечкі карытас, а таксама можна набываць цудоўныя святочныя ўпрыгожванні на Вігілійны стол, якія ўласнымі рукамі зрабілі маладыя таты і мамы нашай парафіі.

ü  Дзякуем усім, хто адклікнуўся прысці і дапамагчы ў падрыхтоўцы нашай святыні да надыходзячых святаў! Божа адудзяч кожнаму патрэбнымі ласкамі!

ü  Выказваем усім нашым ахвярадаўцам сваю шчырую падзяку за матэр’яльную дапамогу ў будове нашай новай святыні. Божа адудзяч кожнаму Сваім Божым благаслаўленнем!

ü  На гэтым тыдні да нашай новай святыні закупілі радыятары.

ü  25 снежня пасля Імшы на 10:00 будзе прадстаўлены невялікі спектакль “Мушкецёр Езуса”, які падрыхтавалі нашыя дзеці.

ü  З 2 па 4 студзеня запрашаем на Вакацыі з Богам. Для дзяцей з 3 па 7 клас - з 8 да 16:00, а для падлеткаў ад 8 класа з 18 да 20:30. Для запісу звяртацца да кс.Паўла або с.Дар'і.

ü  5 і 6 студзеня ў нашым араторыі адбудзецца чарговая сустрэча групы "Пошук" для 8-9 класаў. Кошт удзелу 5 руб. Для запісу звяртацца да кс.Алега

 


 

 

2-ая Нядзеля Адвэнту – 9 снежня 2018 года

Паводле літургічнага каляндара на гэтым тыдні ўспамінаем і святкуем:


·          11, Ат. – успамін св. Дамаса І, папы.

·          12, Ср. – успамін Найсвяцейшай Панны Марыі з Гвадэлупы.

·          13, Чц. – успамін св. Люцыі, панны і мучаніцы.

·          14, Пт. – успамін св. Яна ад Крыжа, вятара і доктара Касцёла.

·          15, Сб. – а 17.00 гадзіне адбудзецца Св. Імша ў інтэнцыі: “За душы церпячыя ў чысццу”. Запрашаем!

·          16, Ндз. – згодна з традыцыяй нашай парафіі, ахвяраванні будзем збіраць на дальнейшае будаўніцтва нашай новай святыні.

З жыцця і падзей нашай парафіі і нашага араторыя:

Ø  Ад імя ўсіх вернікаў нашай парафіі выказваем шчырую падзяку айцу Анджэю Ядкоўскаму за дар Божага слова скірванага да  нас у часе Адвэнтовых Рэкалекцый. Добры Божа адудзяч яму патрэбнымі ласкамі.

Ø  Кожную раніцу па буднім дням, на працягу ўсяго Адвэнту, у нашай парафіі адбываюцца раратнія Св. Імшы. Запрашаем на Рараты ўсе нашыя сем’і: дзетак, моладзь, бацькоў і ўсіх вернікаў, каб разам з Марыяй чакаць прыйсця Збаўцы нашага Езуса Хрыста. Не занядбоўваем гэтай традыцыі ў нашых сем’ях.

Ø  Як агульную пастанову для ўсёй нашай парафіі на час Адвэнту 2018 года выбралі – дапамагаем бедным сем'ям. На працягу ўсяго Адвэнту ў нашай святыні будзе выстаўлены кош, у які будзем прыносіць ахвяры для бедных: крупы, цукар, алей, для малазабяспечаных сямей з нашага раёну. За грошы, якія мы эканомім у часе Адвэнту, праз асабісты пост і адрачэнне ад мясных страў, стараемся купляць вось гэтыя спажыўчыя рэчы і прыносім іх у нашу святыню.

Ø  Памятаем пра хворых і адзінокіх людзей у нашай парафіі. Запрашаем да іх святароў, каб праз Святыя Сакрамэнты дапамагчы ім таксама падрыхтавацца духоўна да надыходзячых Святаў. Запісацца можна ў парафіяльнай закрыстыі!  Хворых будзем наведваць 18 снежня, на працягу цэлага дня.

Ø  У нашым парафіяльным кіоску можна набыць аплаткі, літургічныя каляндары, свечкі карытас, а таксама можна набываць цудоўныя святочныя ўпрыгожванні на Вігілійны стол, якія ўласнымі рукамі зрабілі маладыя таты і мамы нашай парафіі.

Ø  Выказваем усім нашым ахвярадаўцам сваю шчырую падзяку за матэр’яльную дапамогу ў будове нашай новай святыні! Божа адудзяч кожнаму Сваім Божым благаслаўленнем!

Ø  Сёння наш араторый наведае святы Мікалай, завітае да дзяцей -  пасля Імшы ў 10:00, а да моладзі ўвечары ў 18:30.

Ø  З 1 па 23 снежня запрашаем дзяцей да ўдзелу ў конкурсе Адвэнтавых Ліхтароў. Працы прымаюцца да 15 снежня.

Ø  З 2 па 4 студзеня запрашаем на Вакацыі з Богам. Для дзяцей з 3 па 7 клас - з 8 да 16 гадін і для падлеткаў ад 8 класа з 18 да 20:30. Для запісу звяртацца да кс.Паўла або с.Дар'і.

Ø  Заўтра 10 снежня сёстры запрашаюць дзяўчат на чарговую сустрэчу, якая адбудзецца па адрасе: вул.Пляханава 53-12. Пачатак у 19:00. Сустрэча для хлопцаў адбудзецца у наступны панядзелак 17 снежня.


 

 

І-ая Нядзеля Адвэнту – 2 снежня 2018 года

Згодна з літургічным каляндаром нашай архідыяцэзіі на гэтым тыдні ўспамінаем і святкуем:

·     3, Пн. – успамін св. Францішка Ксавэрыя, святара

·     4, Аўт. – успамін св. Яна Дамаскіна, святара і доктара Касцёла

·     6, Чц. – успамін св. Мікалая, біскупа. Таксама прыпадая І-ы чацвер месяца, молімся аб новыя і святыя пакліканні як да манаскага, так і святарскага жыцця.

·     7, Пт. – успамін св. Амброзія, біскупа і доктара Касцёла, а таксама І-ая Пятніца месяца. Аддаём пашану і хвалу Найсв. Сэрцу Езуса, перапрашаючы Яго як за ўласныя грахі, так і грахі ўсяго свету.

·     8, Сб. – урачыстасць Беззаганнага Зачацця Найсвяцейшай Панны Марыі, а таксама свята нараджэння нашай парафіі і нашага араторыя ў Серабранцы. Запрашаем на святочную св. Імшу а 19.00 гадзіне ўсіх вернікаў, а пасля на святочны вечар у наш араторый.

З жыцця і падзей нашай парафіі і нашага араторыя:

·     Кожную раніцу па буднім дням, на працягу ўсяго Адвэнту, у нашай парафіі будуць адбывацца раратнія Св. Імшы. Запрашаем на Рараты ўсе нашыя сем’і: дзетак, моладзь, бацькоў і ўсіх вернікаў, каб разам з Марыяй чакаць прыйсця Збаўцы нашага Езуса Хрыста.

·     З 7 па 9 снежня ў нашай парафіі адбудуцца Адвэнтовыя рэкалекцыі. Рэкалекцыі будзе абвяшчаць айцец Андрэй Ядкоўскі (рэдэмтарыста). Распарадак і план рэкалекцый знаходзіцца пры ўваходзе да нашай святыні, а таксама на нашай парафіяльнай інтэрнэт старонцы. Просім усіх нашых шаноўных вернікаў запланаваць гэты час і прыняць удзел у рэкалекцыях.

·     Як агульную пастанову для ўсёй нашай парафіі на час Адвэнту 2018 года выбіраем – дапамагаем бедным сем'ям. На працягу ўсяго Адвэнту ў нашай святыні будзе выстаўлены кош, у які будзем прыносіць ахвяры для бедных: крупы, цукар, алей і цукеркі для малазабяспечаных сямей з нашага раёну. За грошы, якія мы эканомім у часе Адвэнту, праз асабісты пост і адрачэнне ад мясных страў, стараемся купляць вось гэтыя спажыўчыя рэчы і прыносім іх у нашу святыню.

·     Згодна з традыцыяй нашай парафіі,  а панядзелку ў нашай святыні будзе выстаўлена скрыня, у якую можна будзе складаць свае лісты просьбаў і падзякаў да Беззаганнай Панны Марыі. 8 снежня пасля ўрачыстай Святой Імшы, а 19.00 гадзіне, пры фігуры Маці Божай, якая стаіць побач нашай святыні, адбудзецца ўрачысты акт аддання кожнага з нас Беззаганнаму Сэрцу Марыі і ахвяраванне нашых просьбаў і падзякаў Маці Божай. Запрашаем да гэтай традыцыі ўсіх вернікаў.

·     Памятаем пра хворых і адзінокіх людзей у нашай парафіі. Запрашаем да іх святароў, каб праз Святыя Сакрамэнты дапамаглі ім таксама падрыхтавацца духоўна да надыходзячых Святаў. Запісацца можна ў парафіяльнай закрыстыі!

·     З 1 па 23 снежня запрашаем дзетак да ўдзелу ў конкурсе Адвэнтавых Ліхтароў. Пераможцаў чакаюць таямнічыя ўзнагароды!

·     У наступную нядзелю 9 снежня наш араторый наведае святы Мікалай. Свята для дзяцей у 11:30, а для моладзі ўвечары ў 18:30.

·     Для дзяцей, якія рыхтуюцца да Першай Святой Камуніі, а таксама для іх бацькоў на гэтым тыдні будуць праходзіць сямейныя катэхэзы. У аўторак 4 снежня – першы год падрыхтоўкі, 5 снежня ў сераду - другі год падрыхтоўкі. Пачатак ў 19:00 у араторыі.

·     У нашым парафіяльным кіоску можна набыць аплаткі, літургічныя каляндары, свечкі карытас, а таксама можна набываць цудоўныя святочныя ўпрыгожванні на Вігілійны стол.

·     Выказваем усім нашым ахвярадаўцам сваю шчырую падзяку за матэр’яльную дапамогу ў будове нашай новай святыні! Божа адудзяч кожнаму Сваім Божым благаслаўленнем!

 

Ø КАМУНІКАТ КУРЫІ!

Паважаныя святары Мінска-Магілёўскай Архідыяцэзіі!

 25 лістапада 2018 года ў выніку пажару быў поўнасцю знішчаны будынак плябаніі ў парафіі святога Яна ў в. Волма Стаўбцоўскага дэканата.

Курыя Мінска-Магілёўскай Архідыяцэзіі звяртаецца да святароў і да вернікаў Архідыяцэзіі з просьбай аказаць дапамогу парафіі ў Волме.

Прапануем сабраць дабравольныя ахвяраванні на гэтую мэту ў першую або другую нядзелю адвэнту (на выбар) і пераказаць іх або непасрэдна пробашчу парафіі кс. Валянціну Станкевічу або праз курыю Архідыяцэзіі.

Дзякуем усім ахвярадаўцам.

кс. Дзмітрый Пухальскій

канцлер курыі


 

 

АДВЭНТОВЫЯ РЭКАЛЕКЦЫІ 2018 ГОДА

Ў ПАРАФІІ СВ. ЯНА ХРЫСЦІЦЕЛЯ

7 снежня - пятніца

19.00 - Св. Імша з агульнай навукай для ўсіх (пачатак рэкалекцый)

22.00 -  Св. Імша і навука для моладзі. Адарацыя Найсвяцейшага Сакраманту і чуванне для моладзі

 

8 снежня - субота

7.00 - Св. Імша з агульнай навукай для ўсіх (Рараты)

10.00 - Св. Імша з навукай для колаў парафіяльных: Жывы ружанец, Легіён Марыі, Маці Божай Патронкі добрай смерці, Маці ў малітве, дапамога душам чысцовым.

12.00 - Салезіянская сям’я – SDB, FMA, ASC, AC, ADMA

17.30 - Выстаўленне Найсв. Сакрамэнту і пакутнае набажэнства.

19.00 - Св. Імша з агульнай навукай для ўсіх.  Пасля Св. Імшы, пры фігуры Маці Божай побач Касцёла адбудзецца акт адданя Беззаганнаму Сэрцу Найсвяцейшай Панны Марыі. Затым разам з усімі вернікамі ідзем у араторый святкаваць гадавіну заснавання парафіі і араторыя ў Серабранцы

    

9 снежня – нядзеля

8.00 - Св. Імша на польскай мове з агульнай навукай для ўсіх

10.00 - Св. Імша з навукай для дзяцей і іх бацькоў

12.00 - Св. Імша Сумма з агульнай навукай для ўсіх

13.30 - Св. Імша для моладзі

17.00 - Выстаўленне Найсвяцейшага Сакрамэнту – Адарацыя – на заканченне Нешпары

19.00 - Св. Імша з агульнай навукай для ўсіх (заканчэнне рэкалекцый)


 

 

33-ая Звычайная Нядзеля – 18 лістапада 2018 года

Паводле літургічнага каляндара нашай архідыяцэзіі на гэтым тыдні ўспамінаем і святкуем:

·21, Ср. – Успамін Ахвяравання Найсвяцейшай Панны Марыі.

·22, Чц. – успамін св. Цэцыліі, панны і мучаніцы.

·23, Пт. – Успамін св. Клімэнта І, папы і мучаніка, а таксама ўспамін
св. Калюмбана, абата

·24, Сб. – успамін св. св. Андрэя Зунг Лака, святара і яго паплечнікаў, мучанікаў. Таксама ў гэты дзень, паводле салезіянскай сям’і, успамінаем Марыю Успамогу Хрысціянаў. На прыканцы Св. Імшы а 19.00 гадзіне, праз яе заступніцтва, можна будзе атрымаць урачыстае благаслаўленне выпрошваючы патрэбныя ласкі.

·25, Ндз. – Нядзеля Хрыста Валадара сусвету. Згодна з разпараджэннем нашай архідыяцэзіі ахвяраванні ў гэты дзень будзем збіраць на патрэбы духоўнай семінарыі. У гэты дзень Св. Імшы будуць толькі у: 8.00; 10.00; 14.00; 19.00.

З жыцця і падзей нашай парафіі і нашага араторыя:

·22 лістапада ва ўспамін святой Цэцыліі пасля святой Імшы на 19:00 адбудзецца святочны канцэрт. Запрашаем усіх вернікаў!

·У суботу 24 лістапада у 21:00 салезіянская сям’я запрашае ўсіх закаханых у Марыю Успамогу Хрысціянаў на адарацыю.

·У наступную нядзелю 25 лістапада – урачыстасць Хрыста Валадара сусвету. Пасля Св. Імшы на 10.00 гадзіну, запрашаем усіх вернікаў ў араторый на святочную праграму “Мы – дзеці Валадара”. Падчас праграмы таксама адбудзецца невялікі канцэрт нашай групы “Боско-бэнд”. Каб святкаванне было салодкім, просім далучыцца да супольнага стала ўласна спечанымі прысмакамі і пачастункамі. Прыпамінаем, што гэту нядзелю святой Імшы а 12.00 гадзіне не будзе.

·Чарговая катэхэза для дарослых будзе ў наступную нядзелю – 25 лістапада.

·Выказваем сваю шчырую падзяку ўсім, хто у прошлую нядзелю ў шчырасці і адкрытасці сэрца адклікнуўся дапамагчы ахвяраваннямі для закупкі радыятараў у нашую новую святыню. Таксама выказваем падзяку ўсім мужчынам, хто адклікнуўся на гэтым тыдні дапамагчы пазакрываць усе праёмы перад зімой. Добры Божа, за шчырасць і адкрытасць, спашлі ахвярадаўцам і дабрачынцам патрэбныя ласкі!


 

 

32-ая Звычайная Нядзеля  - 11 лістапада 2018 года

Згодна з літургічным каляндаром на гэтым тыдні ўспамінаем і святкуем:

·        12. Панядзелак — свята св. Язафата, біскупа і мучаніка

·        15. Чацвер – успамін св. Альбэрта Вялікага, біскупа і доктара Касцёла

·        16. Пятніца — успамін Найсв. Панны Марыі, Маці Міласэрнасці (Маці Божай Вастрабрамскай)

·        17. Субота — успамін св. Альжбеты Венгерскай, законніцы.

·        Таксама ў гэты дзень а 17.00 гадзіне, паводле традыцыі нашай парафіі, адбудзецца Святая Эўхарыстыя ў інтэнцыі душаў церпячых у чысцу. Запрашаем!

З жыцця і падзей нашай парафіі і нашага араторыя:

·        Выказваем усім нашым вернікам шчырую падзяку за матэр’яльную дапамогу, якую вы сёння складалі на патрэбы набыцця радыятараў для нашай новай святыні, а таксама за дапамогу ў выкананні працаў пры будове нашай святыні на мінулым тыдні. Добры Божа адудзяч кожнаму Сваім шчодрым благаслаўленнем!

·        Таксама на гэтым тыдні запрашаем мужчынаў, дапамагчы закрыць усе дзвярныя праёмы, каб забяспечыць ад холаду і падрыхтаваць святыню для абагрэву.

·        Прыпамінаем, што на працягу ўсяго месяца лістапада,  у нашай святыні кожны дзень а гадзіне 18.15, молімся на Святым Ружанцы за нашых блізкіх памерлых.

·        У панядзелак 12 лістапада святары і сёстры запрашаюць хлопцаў і дзяўчат на чарговую сустрэчу. Сустрэча для дзяўчат адбудзецца па адрасе: вул.Пляханава 53-12. Пачатак у 19:00. Для хлопцаў сустрэча распачынаецца святой Імшой а 19 гадзіне, працяг па адрасе: вул.Васняцова 27

·        У чацвер 15 лістапада ў 20:00 адбудзецца чарговая катэхэза для бацькоў, дзеці якіх рыхтуюцца да прыняцця першай святой Камуніі.

·        У наступную нядзелю а 17.00 гадзіне адбудзецца катэхэза для дарослых. Запрашаем!

·        Таксама у наступную нядзелю пасля святой Імшы для дзяцей, запрашаем дзяцей і бацькоў на свята восеньскіх імяніннікаў.

·        22 лістапада ва ўспамін св.Цэцыліі, апякункі музыкі, пасля святой Імшы а 19 гадзіне адбудзецца чарговы музычны канцэрт. Запрашаем да ўдзелу ўсіх жадаючых.

·        25 лістапада ў нядзелю прыпадае свята Хрыста Валадара, а таксама свята ўсёй нашай парафіяльнай сям’і. Паводле традыйыі нашай парафіі ў гэты дзень а 12.00 гадзіне Св. Імшы не будзе. Запрашаем усіх вернікам асаблівым чынам на Св. Імшу на 10.00 гадзіну, каб пасля ўсёй парафіяй працягваць святкаваць гэтае свята ў нашым араторыі. Запрашаем усіх!

·        Пры нашым араторыі пачынаецца новы набор на курсы па англійскай мове. Ёсць группы для школьнікаў, студэнтаў і дарослых. Заняткі праходзяць у араторыі і онлайн. Пардрабязнасці і запіс знаходзяцца на сайце kafasso.by

·        Усім жадаем добрай нядзелі і апекі Найсв. Панны Марыі, Маці Міласэрнасці!


 

 

31-ая Звычайная Нядзеля – 4 лістапада 2018 г.


Паводле літургічнага каляндара нашай Архідыяцэзіі на гэтым тыдні святкуем і ўспамінаем:

 

  •        9, Пятніцу – свята гадавіны пасвячэння Латэранскай базылікі
  •         10, Суботу — успамін св. Льва Вялікага, папы і доктара Касцёла

 

 

З жыцця і падзей нашай парафіі і нашага араторыя:

·        5, Панядзелак – а 12-й гадзіне ў касцёле св. Юзафа ў Маладзечне (вул. Прытыцкага, 17-А) адбудзецца пахаванне мамы дапаможнага біскупа Юрыя Касабуцкага, якая 2 лістапада на 82-м годзе жыцця адышла

ў вечнасць. Імя яе - Уладзіслава. Памятаем аб ёй у сваіх малітвах.

·        10, Суботу - а 17.00 гадзіне адбудзецца Св. Эўхарыстыя ў інтэнцыі руху “Маці Божай Патронкі добрай смерці”. 

·        На працягу ўсяго месяца лістапада, а гадзіне 18.15 будзем маліцца на Св. Ружанцы за ўсіх нашых памерлых.

·        У нашым парафіяльным кіоску можна набыць новыя часопісы: “Дыялог” і “Авэ Марыя”, а таксама літургічныя каляндары на новы 2018 год.

·        У наступную нядзелю, 11 лістапада, у часе ўсіх Св. Імшаў будзем збіраць ахвяраванні на закупку радыятараў у нашу новую святыню. Усім нашым ахвярадаўцам загадзя выказваем сваю сардэчную падзяку і памятаем аб вас у сваіх малітвах.

·        Запрашаем на гэтым тыдні ўсіх мужчынаў прыйсці і папрацаваць пры будове нашай новай святыні. Вельмі патрэбна ваша дапамога.

·        У панядзелак 12 лістапада святары салезіяне і сёстры салезіянкі запрашаюць хлапцоў і дзяўчат на чарговую духоўную сустрэчу. Сустрэча для дзяўчат адбудзецца па адрасе: вул. Пляханава 53-12. Пачатак

у 19.00. Для хлопцаў сустрэча распачынаецца святой Імшой а 19.00 гадзіне, працяг па адрасе: вул. Васняцова 27.

·        22 лістапада ва ўспамін св.Цэцыліі, апякункі музыкі, пасля святой Імшы а 19.00 гадзіне адбудзецца чарговы музычны канцэрт. Запрашаем да ўдзелу! Запісацца можна ў Вольгі Красільшчыкавай.

·        Выказваем падзяку ўсім мамам і ўсім, хто дапамагаў у правядзенні восеньскіх вакацый з Богам для дзяцей і падлеткаў пры нашым араторыі.

·        На гэты новы тыдзень усім жадаем Божых ласкаў і апекі Марыі Успамогі Хрысціянаў. 

З НАГОДЫ ЎСПАМІНУ ЎСІХ ПАМЕРЛЫХ ВЕРНІКАЎ СВЯТАРЫ БУДУЦЬ НАВЕДВАЦЬ МОГІЛКІ І МАЛІЦЦА ЗА ПАМЕРЛЫХ

 

Кальварыйскія могілкі

працэсія і малітва за памерлых на могілках — 2 лістапада (пятніца) а 18.00

Св. Імшы за памерлых у касцёле Узвышэння св. Крыжа:

2 лістапада і 3 лістапада — 10.00; 19.00

4 лістапада — 18.00

З 5 па 8 лістапада — 19.00

 

Могілкі Уручча (г. Мінск, вул. Лажынская, Мінск)

1 лістапада (чацвер) — 18.00

 

Могілкі ў в. Копішча

2 лістапада (пятніца) — 18.00

 

Паўночныя могілкі

3 лістапада (субота) — 10.00 (каля ўсіх брамаў)

 

Могілкі ў Астрашыцкім Гарадку

3 лістапада (субота) — 10.00

 

Могілкі ў Міханавічах

3 лістапада (субота) — 11.00 (каля галоўнага ўваходу)

 

Могілкі ў Калодзішчах

3 і 4 лістапада (субота, нядзеля) — 11.00 (каля галоўнага ўваходу)

 

Могілкі ў в. Каралёў Стан

3 лістапада (субота) — 11.00 (каля галоўнага ўваходу)

 

Чыжоўскія могілкі

3 лістапада (субота) — 12.00 (каля галоўнага ўваходу)

 

Могілкі ў Каралішчавічах

3 лістапада (субота) — 12.00

 

Могілкі в. Волма (г. Мінск, м-н Сокал)

3 лістапада (субота) — 12.00

 

Могілкі ў в. Забалаць

3 лістапада (субота) — 12.00

 

Козыраўскія могілкі (г. Мінск, 2-гі Германаўскі зав.)

3 лістапада (субота) — 12.00

 

Могілкі ў в. Малінаўка

3 лістапада (субота) — 13.00

 

Заходнія могілкі (за пас. Азярцо)

3 лістапада (субота) — 11.00

 

Могілкі ў Сенніцы

3 лістапада (субота) — 13.15

 

Могілкі ў Атоліна

3 лістапада (субота) — 14.30

 

Могілкі ў в. Чучаны

3 лістапада (субота) — 9.00

 

Могілкі ў Сёмкавым Гарадку

3 лістапада (субота) — у 11.00

 

Могілкі ў в. Качына

3 лістапада (субота) — 13.30

 

Могілкі ў в. Яркава

3 лістапада (субота) — 15.30

 

Лошыцкія могілкі (м-н Чыжоўка, Мінск)

4 лістапада (нядзеля) — 11.00

 

Могілкі ў в. Аколіца

4 лістапада (нядзеля) — 14.00

 

Могілкі ў в. Сініло

4 лістапада (нядзеля) — 14.00

 

Могілкі ў г.п. Гатава

4 лістапада (нядзеля) — 15.00

 

Могілкі ў Ждановічах

4 лістапада (нядзеля) — 11.00

 

Могілкі ў в. Зарэчча

4 лістапада (нядзеля) — у 13.00

 

Могілкі ў в. Тарасава

4 лістапада (нядзеля) — у 15.00

 

Могілкі ў Мінску па вул. Бялецкага (м-н Малінаўка)

10 лістапада (субота) — 13.30

 

Могілкі ў Мінску па пр. Любімава (м-н Паўднёвы Захад)

10 лістапада (субота) — 14.00

 

Могілкі ў Мінску па пр. Дзяржынскага (ст.м. «Пятроўшчына»)

10 лістапада (субота) — 14.30

ХХX-ая Звычайная нядзеля 28 кастрычніка 2018 г.

Паводле літургічнага каляндара на гэтым тыдні ўспамінаем і святкуем:

·        31, Ср. – згодна з традыцыяй салезіянскай сям’і ўспамінаем Св. Яна Боско. На прыканцы Св. Імшы а 19.00 гадзіне, адбудзецца ўшанаванне рэліквій Св. Яна Боско.

·        1, Чц. – УРАЧЫСТАСЦЬ УСІХ СВЯТЫХ. Распарадак Святых Імшаў у нашай святыні будзе наступны: 7.00; 11.00; 19.00.

·        2, Пт. – УСПАМІН УСІХ ПАМЕРЛЫХ ВЕРНІКАЎ. Распарадак Святых Імшаў: 8.00; 19.00; А гадзіне 17.30 разпачнём зачытваць выпамінкі з імёнамі ўсіх нашых блізкіх памерлых.

·        На працягу ўсяго месяца лістапада ў нашай святыні а гадзіне 18.15 будзем маліцца за ўсіх памерлы на Святым Ружанцы. Запрашаем да супольнай малітвы ўсіх вернікаў.

·        Згодна з навукай Касцёла за наведванне могілак з 1 па 8 лістапада пры выкананні ўмоў (Для гэтага трэба прыняць удзел у святой Імшы, быць у стане асвячальнай ласкі і прыняць Святую Камунію, памаліцца «Ойча наш» і «Веру ў Бога», а таксама памаліцца
ў намерах Святога Айца.)
вернікі могуць атрымаць поўны адпуст, які ахвяруецца толькі за памерлых.

·        1, Чц. – прыпадая І-ы чацвер месяца. Молімся аб новыя і святыя пакліканні як да манасскага жыцця, так і святарскага.

·        2, Пт. – прыпадая І-ая пятніца месяца. Аддаём пашану і хвалу Найсвяцейшаму Сэрцу Езуса, перапрашаючы Яго за ўласныя грахі і грахі ўсяго свету. Паводле традыцыі нашай парафіі ў гэты дзень адбудзецца ўсяночная адарацыя, якая разпачнецца а 22.00 гадзіне Святой Эўхарыстыяй.

·        3, Сб. – прыпадая І-ая субота месяца. Аддаем пашану і хвалу Найсвяцейшаму Сэрцу Марыі. У гэты дзень, а гадзіне 17.00, адбудзецца Святая Імша для ўсіх колаў Жывога Ружанца.

·        У нашым парафіяльным кіоску можна набыць новы часопіс “Дыялог”
і “Авэ Марыя”. Заахвочваем нашых вернікаў набываць іх для духоўнага ўзбагачэння.

·        Шчыра дзякуем усім вернікам, якія адклікнуліся на гэтым тыдні прыйсці папрацаваць пры будове нашай святыні, а таксама пры ўборцы вакол нашай капліцы. Няхай Добры Бог адорыць Вас усімі патрэбнымі ласкамі.

·        Усім жадаем добрай нядзелі і апекі Марыі Успамогі Хрысціянаў!

Апошнія аб'явы

© 2006-2017 Рымска-каталіцкая парафія Св. Яна Хрысціцеля ў г. Мінску