26 кастрычніка ў нас праходзіў Восеньскі кірмаш. Афіцыйны пачатак з малітвы і “Казка пра рэпку” далі старт на адкрыццё кірмаша. Гэтае марапрыемстаа было дабрачыннае: атрыманыя сродкі, пайшлі на будову нашай святыні. Ведаем, што толькі разам зможам і рэпку дастаць і касцёл новы пабудаваць.
Аніматары, якія працавалі на кірмашы, выглядалі незвычайна. Прыгожа падрыхтаваныя касцюмы і смешныя назвы (напрыклад, як Цыбуля-красуля ці Агурок-зялёны бок) надавалі асаблівы настрой удзельнікам. На кірмашы працавалі: “Кола-сюрпыз”, “Цір”, “Эстафеты”, “Салон прыгажосці”, “Касцінг частушак”, “Выстава творчасці”, “Фотаатеэлье”, “Цырк-сюрпрыз”, “Мінута Славы” і г.д. Зрабіць макіяж, памерыць свой рост, зрабіць фотаздымак і памерыцца сілай – усё было тут магчымым. Напрыканцы кірмаша былі вызначаны пераможцы ў намінацыі “Асеннні малюнак”, “Асенні букет” і “Зроблена сваімі рукамі”.
Як падзяка за актыўны ўдзел, усе госці былі запрошаны на салодкі стол, якія падрыхталі бацькі дзяцей.
Матэрыял падрыхтавала Дар'я Еўтухоўская.
