Згодна з літургічным календаром на гэтым тыдні прыпадае:

• 31 студзеня, серада - Урачыстасць св. Яна Боско.
• 1 лютага, чацвер – першы чацвер месяца. Молімся аб новыя і святыя пакліканні да святарскага і манаскага жыцця. На прыканцы св. Імшы адбудзецца набажэнства ў інтэнцыі новых пакліканняў.
• 2 лютага, пятніца - Свята Ахвяравання Пана (Маці Божай Грамнічнай). Св. Імшы: 7.00; 11.00; 19.00. Падчас святых Імшаў адбудзецца благаслаўленне свечак. Свечкі можна набыць у парафіяльным кіёску. Таксама ў гэты дзень прыпадае першая пятніца месяца. Аддаём пашану і хвалу Найсвяцейшаму Сэрцу Езуса, перапрашаючы Яго за ўласныя грахі і грахі ўсяго свету. У 18.00 адбудзецца адарацыя Найсвяцейшага Сакрамэнту. Запрашаем ўсіх да супольнай малітвы.
• 3 лютага, субота - Успамін св. Блажэя.

Св. Імшы: 8.00; 19.00. Падчас святых Імшаў адбудзецца благаслаўленне ад хваробаў горла праз заступніцтва св. Блажэя. Таксама ў гэты дзень прыпадае першая субота месяца. Аддаём пашану і хвалу Найсвяцейшаму Сэрцу Марыі, дзякуючы Ёй за ўсе атрыманыя ласкі. У гэты дзень адбудзецца змена таямніц Жывога Ружанца. Усіх, хто належыць да колаў Жывога Ружанца, запрашаем на Фацімскі Ружанец у 16.00 і на св. Імшу
ў 17.00.

З жыцця нашай парафіі і нашага араторыя: 

• 28 студзеня, нядзеля – ў 16.00 адбудзецца чарговая катэхэза для сем’яў. Сустрэча пройдзе ў будынку нашага араторыя. Адказная - сястра Ірыны.
• 28 студзеня, нядзеля – пасля св. Імшы на 10.00 запршаем усіх дзяцей з 2 па 5 клас на сустрэчу ў араторый на цікавую праграму!
• 3 лютага, нядзеля – для падлеткаў з 6 па 11 клас у 16.00 адбудзецца сустрэча ў араторыі. Падрабязная інфармацыя будзе пададзена на старонцы ў інстаграм араторыя.
• 31 студзеня, серада - Урачыстасць св. Яна Боско. Распачнецца св. Імшой
  у 19.00, падчас якой салезіяне-супрацоўнікі адновяць свае абяцанні.
  У гэты дзень можна будзе атрымаць поўны адпуст. Пасля св. Імшы
  ў араторыі адбудзецца працяг святкавання. Па традыцыі запрашаем на гульню “ЛАТО”, падчас якой можна будзе выйграць цікавыя прызы. З гэтай н агоды просім вернікаў прыносіць  рэчы (новыя, альбо ў добрым стане), якія можна выкарыстоўваць у якасці падарункаў. Рэчы можна прыносіць у касцёл, альбо ў араторый. У касцёле пры бакавым алтары з левага боку выстаўлена скрыня.
• 1 лютага, чацвер - прыпадае 10-я гадавіна біскупскага пасвячэння арцыбіскупа Юзафа Станеўскага, Мітрапаліта Мінска-Магілёўскага.
  З гэтай нагоды Яго Эксцэленцыя будзе цэлебраваць св. Імшу
  ў Мінскай Архікатэдры ў чацвер у 15.00.Запрашаем усіх да супольнай малітвы.
• Калядныя наведванні на гэтым тыдні адбудуцца па вул. Якубава. Загаддзя будзем тэлефанаваць вернікам, каб удакладніць час і дзень наведвання. Калі хто не зможа прыняць святара, просім інфармаваць аб гэтым
  у парафіяльным кіёску.
• Прадстаўляем кошт абсталявання для ўнутранага асвятлення нашай новай святыні, які складае 73702 руб. За тры апошнія месяцы вернікамі было сабрана 18 750 руб. Засталося сабраць 54 952 руб.
• Выказаваем шчырую падзяку ўсім вернікам за ахвяраванні на патрэбы будаўніцтва нашай новай святыні. Божа, адары кожнага патрэбнымі ласкамі!