Згодна з літургічным календаром на гэтым тыдні прыпадае:

• 22 студзеня, панядзелак – першы дзень навэнны да Урачыстасцяў св. Яна Боско. У нашай святыні будзем маліцца на прыканцы Святых Імшаў.
  Да малітвы таксама можна будзе далучыцца онлайн праз інстаграм старонку нашага араторыя, у 19.45. Заахвочваем ахвяравць навэнну ў інтэнцыі дзяцей і моладзі.
• 24 студзеня, серада – свята св. Фрацішка Сальскага, апекуна салезіянскай сям’і.
• 25 студзеня, чацвер – Свята навяртання Св. Паўла, апостала, а таксама гадавіна біскупскага пасвячэння бп. Юрыя Касабуцкага. Памятаем пра яго ў малітвах.
• 26 студзеня, пятніца – Успамін святых Цімафея і Ціта, біскупаў.
• 27 студзеня, субота – Успамін бл. Юрыя Матулевіча, біскупа.

З жыцця нашай парафіі і нашага араторыя:

• 21 студзеня, нядзеля – у 16.00 у нашай святыні будзе цэлебравацца Святая Імша для дзяцей, якія рыхтуюцца да першай Святой Камуніі, а таксама для іх бацькоў. Адразу пасля Св. Імшы адбудзецца сустрэча для бацькоў (бацькоўскі сход): асобна першы год і асобна другі год падрыхтоўкі.
• 21 студзеня, нядзеля – у 17.30 запрашаем Апостальства Маці Божай патронкі добрай смерці на супольную малітву, якая адбудзецца ў будынку святыні.
• 24 студзеня, серада – у Свята св. Фрацішка Сальскага, напрыканцы кожнай Святой Імшы будзем благаслаўляць мёд і пчаляроў. Галоўная Святая Імша будзе цэлебравацца у 19.00, пасля якой запрашаем
  у араторый на смачныя бліны і цікавую праграму. Мёд можна набыць у нашым парафіяльным кіёску. Нашых шаноўных жанчынаў просім дапамагачы напячы бліны.
• 28 студзеня, нядзеля – пасля Святой Імшы а 10.00 гадзіне запрашаем дзяцей 2-5 клас на чарговую сустрэчу ў араторый.
• 28 студзеня, нядзеля – у 16.00 адбудзецца чарговая катэхэза для сем’яў. Сустрэча пройдзе ў будынку нашага араторыя. За больш дакладнай інфармацыяй просім звяртацца да сястры Ірыны.
• 31 студзеня, серада - Урачыстасць св. Яна Боско. Распачнецца св. Імшой у 19.00, падчас якой салезіяне-супрацоўнікі адновяць свае абяцанні.
  У гэты дзень можна будзе атрымаць поўны адпуст. Пасля Святой Імшы ў араторыі адбудзецца працяг святкавання. Па традыцыі запрашаем на гульню “ЛАТО”, падчас якой можна будзе выйграць цікавыя прызы. З гэтай нагоды просім вернікаў прыносіць  рэчы (новыя, альбо ў добрым стане), якія можна выкарыстоўваць у якасці падарункаў. Рэчы можна прыносіць у касцёл, альбо ў араторый. У касцёле пры бакавым алтары з левага боку будзе выстаўлена скрыня.
• Калядныя наведванні на гэтым тыдні будуць адбывацца па вул. Пляханава. Загаддзя будзем узгадняць дзень і час наведвання па тэлефону.
• Выказаваем шчырую падзяку ўсім вернікам за ахвяраванні на патрэбы будаўніцтва нашай новай святыні. Божа, адары кожнага патрэбнымі ласкамі!