Згодна з літургічным календаром на гэтым тыдні прыпадае: 

• 12 снежня, панядзелак – Успамін Найсвяцейшай Панны Марыі
  з Гвадэлупы.
• 13 снежня, аўторак – Успамін св. Люцыі, панны і мучаніцы
• 14 снежня, серада – Успамін св. Яна ад Крыжа, святара і доктара Касцёла.
• 16 снежня, пятніца – пачатак Навэнны да Божага Нараджэння. У нашай парафіі навэннай будзем маліцца кожны дзень на прыканцы вячэрняй
  св. Імшы. Запрашаем і заахвочваем да гэтай малітвы ўсіх вернікаў.

З жыцця нашай парафіі і нашага араторыя: 

• Час Адвэнту - час асабістага навяртання і духоўнай падрыхтоўкі да надыходзяча свята Божага Нараджэння, а таксама час на добрыя ўчынкі для бліжніх. На час Адвэнту для нашай парафіі выбрана наступная пастанова: Збор ахвяраванняў для дзецей у Сіера Леонэ, Афрыка - мейсца, дзе працуе кс. Сяргей Гоман. Ахвяраванні можна складаць у скрыню, якая знаходзіцца пры галоўным алтары.
• Прыпамінаем, што падчас Адвэнту ў нашай парафіі цэлебруюцца Раратнія Св. Імшы – з панядзельніка па суботу ў 6.55. Запрашаем да ўдзелу дзяцей, моладзь, сем’і і ўсіх вернікаў.
• Завяршаецца конкурс калядных ясляў. Захвочваем дзетак разам з бацькамі змайстраваць да Божага Нараджэння яслі і прадставіць свае працы на выставу ў Касцёл да 17 снежня. Пераможцаў чакаюць узнагароды.
• Звяртаемся з просьбай да мужчын нашай парафіі. У сераду ў 18.30 патрэбна дапамога ва ўсталяванні ясляў, як у святыні, так і побач яе. Загадзя выказваем усім шчырую падзяку.
• У бліжэйшы час дзень сваіх імянінаў і дзень нараджэння будзе абыходзіць сястра Люцыя Бальцэвіч, салезіянка. Памятаем пра яе ў сваіх малітвах. Віншаваць сястру Люцыю ўсёй парафіяй будзем у наступную нядзелю 18 снежня падчас Імшы на 10.00. Запрашаем!
• 18 снежня, нядзеля – да Імшы на 19.00 у нашу святыню прыбудзе Бэтлеемскі агонь, які можна будзе занесці ў свае сем’і. Загадзя просім набыць лампадкі.
• 18 снежня, нядзеля – прыпадае трэцяя нядзеля месяца. Згодна з традыцыяй нашай парафіі ахвяры збіраем на патрэбы будовы нашай святыні. Божа адудзяч!
• Нагадваем вернікам памятаць пра хворых і адзінокіх. На гэтым тыдні ад нашай парафіі запланавана іх наведванне са святымі Сакрамэнтамі. Калі ў вас есць інфармацыя аб такіх людзях, просім паведаміць аб гэтым у нашым  парафіяльным кіёску.

• Распарадак св. Імшаў на свята Божага Нараджэння:

24 снежня: 6.55 – Раратняя св. Імша; 22.00 – св. Імша – Вігілія; 24.00 – св. Імша – Пастэрка.

25 снежня: 8.00; 10.00; 12.00; 19.00

• Увага! Дзеці і падлеткі!!

З 27 па 29 снежня пры араторыі пройдуць зімовыя вакацыі.

Для дзяцей з 2 па 5 клас вакацыі будуць праходзіць з  9.00 да 16.00. Аднак прыводзіць дзяцей можна, пачынаючы з 8.00. Ахвяра за вакаці: 25 BYN. Калі хто мае фінансавыя цяжкасці, каб скласці ахвяру, просім звяртацца да кс. Алега.

Для падлеткаў з 6 по 11 клас вакацыі будуць праходзіць з 17.30 да 21.00. Ахвяра за вакацыі: 5 BYN.

Запісацца на вакацыі можна да 21 снежня толькі ў нашым парафіяльным кіёску.

• Да свята Божага Нараджэння ёсць магчымасць набыць смачная печыва, а таксама прыгожыя стаенкі, якія рабілі аніматары і група Адкрытыя сэрцы. Продаж арганізаваны пры выхадзе са святыні і ў кіёску. Ахвяраванні пойдуць на ўтрыманне нашага араторыя.
• 30 снежня – свята св. Сям’і. З гэтай нагоды ў нашай парафіі адбудзецца аднаўленне сужанскіх абяцанняў для сем’яў, якія ў гэтым годзе абыходзяць свой чарговы юбілей. Для тых, хто прагне ўзяць удзел у гэтым прыгожым святкаванні, просім звяртацца да с. Ірыны. Больш дакладная інфармацыя знаходзіцца на дошцы аб’яў.
• Заахвочваем вернікаў набываць у нашым парафіяльным кіёску аплаткі, сена і літургічныя каляндары на новы 2023 год.
• Выказваем шчырую падзяку ўсім вернікам, ахвярадаўцам і дабрачынцам за матэрыяльныя ахвяраванні і дапамогу ў будове новай святыні. Божа, адары кожнага патрэбнымі ласкамі!