8 жніўня 2015 года на вежах нашага новага касцёла ўстаноўлены крыжы. На ўрачыстасці прысутнічаў Мітрапаліт Мінска-Магілёўскі арцыбіскуп Тадэвуш Кандрусевіч, які асвяціў два новых крыжа і цэлебраваў св.Імшу. 

Працэс будаўніцтва распачаўся ў 2007 годзе, таму асвячэнне і ўстанаўленне двух крыжоў можна назваць па-сапраўднаму доўгачаканай падзеяй для нашай парафіі. Як адзначыў пробашч кс. Аляксандр Мятліцкі SDB, многія парафіяне часта пыталіся, калі будуць устаноўлены крыжы, бо вялікая колькасць з іх ахвяравала на гэтую патрэбу. Таксама святар дадаў, што ўрачыстае ўстанаўленне крыжоў - гэта нашай перамога, бо калі на будынку ёсць крыж ён ўжо з'яўляецца храмам. 

На ўрачыстсці прысутнічалі прадстаўнікі салезіянскай сям'і з усіх куткоў нашай краіны, госці, настаяцель рэлігійнай каталіцкай місіі св.Францішка Сальскага ў Беларусі кс. Віктар Гайдукевіч SDB, а таскама прадстаўнікі каталіцкіх і свецкіх СМІ.

Фота будзе дададзена.