24.02.2009 17:48
24 лютага 2009 г. у мінскім касцёле Святога Яна Хрысціцеля (Серабранкаўскі дэканат) адбыўся дзень духоўных сустрэч душпастыраў Мінска-Магілёўскай архідыяцэзіі, якую ўзначаліў Мітрапаліт Мінска-Магілёўскі арцыбіскуп Тадэвуш Кандрусевіч.
Па традыцыі ўдзельнікі сустрэчы з’ядналіся ў супольнай малітве перад Найсвяцейшым Сакрамэнтам, а пасля прынялі ўдзел у святой Эўхарыстыі.
Айцец Аркадзь Куляха OCD, духоўны айцец Міждыяцэзіяльнай вышэйшай духоўнай семінарыі імя св. Тамаша Аквінскага ў Пінску, прамовіў канферэнцыю пра сакрамэнт пакаяння і паяднання.
Падчас сустрэчы Мітрапаліт Тадэвуш Кандрусевіч нагадаў пра першае выданне Дакументаў ІІ Ватыканскага Сабору на беларускай мове і выхад кнігі «Сустрэчы з рэлігіямі». Прэзентацыя гэтых адзінак ужо адбылася ў Мінску і ў Гродне. Новыя выданні папоўняць таксама фонды абласных і раённых бібліятэк краіны.
17–18 красавіка гг., у актаву Вялікадня, адбудзецца сімпозіум, прысвечаны Божай Міласэрнасці. Пра гэта паведаміў адказны за арганізацыю сімпозіума кс. Юрый Санько.
Дапаможны біскуп Мінска-Магілёўскай архідыяцэзіі Антоні Дзям’янка распавёў пра дыяцэзіяльную перэгрынацыю абраза Езуса Міласэрнага і рэліквій благаслаўлёнага Міхала Сапоцькі, якая распачнецца 18 красавіка, напярэдадні Нядзелі Божай Міласэрнасці.
Мітрапаліт Тадэвуш Кандрусевіч падкрэсліў вялікае значэнне малітвы, рэкалекцый і традыцыйных набажэнстваў падчас Вялікага посту.
Арцыпастыр таксама адзначыў, што з 24 па 25 лютага гг. адбудзецца візіт у Італію кіраўніка Міністэрства замежных справаў Рэспублікі Беларусь спадара Сяргея Мартынава. У Ватыкане ён сустрэнецца з Дзяржаўным сакратаром Яго Святасці папы Бэнэдыкта XVI кардыналам Тарчызіо Бэртонэ і адказным па сувязях з дзяржавамі пры Дзяржсакратарыяце біскупам Дамінікам Мамбэрці.
24 лютага 2009 г. у мінскім касцёле Святога Яна Хрысціцеля (Серабранкаўскі дэканат) адбыўся дзень духоўных сустрэч душпастыраў Мінска-Магілёўскай архідыяцэзіі, якую ўзначаліў Мітрапаліт Мінска-Магілёўскі арцыбіскуп Тадэвуш Кандрусевіч.
Па традыцыі ўдзельнікі сустрэчы з’ядналіся ў супольнай малітве перад Найсвяцейшым Сакрамэнтам, а пасля прынялі ўдзел у святой Эўхарыстыі.
Айцец Аркадзь Куляха OCD, духоўны айцец Міждыяцэзіяльнай вышэйшай духоўнай семінарыі імя св. Тамаша Аквінскага ў Пінску, прамовіў канферэнцыю пра сакрамэнт пакаяння і паяднання.
Падчас сустрэчы Мітрапаліт Тадэвуш Кандрусевіч нагадаў пра першае выданне Дакументаў ІІ Ватыканскага Сабору на беларускай мове і выхад кнігі «Сустрэчы з рэлігіямі». Прэзентацыя гэтых адзінак ужо адбылася ў Мінску і ў Гродне. Новыя выданні папоўняць таксама фонды абласных і раённых бібліятэк краіны.
17–18 красавіка гг., у актаву Вялікадня, адбудзецца сімпозіум, прысвечаны Божай Міласэрнасці. Пра гэта паведаміў адказны за арганізацыю сімпозіума кс. Юрый Санько.
Дапаможны біскуп Мінска-Магілёўскай архідыяцэзіі Антоні Дзям’янка распавёў пра дыяцэзіяльную перэгрынацыю абраза Езуса Міласэрнага і рэліквій благаслаўлёнага Міхала Сапоцькі, якая распачнецца 18 красавіка, напярэдадні Нядзелі Божай Міласэрнасці.
Мітрапаліт Тадэвуш Кандрусевіч падкрэсліў вялікае значэнне малітвы, рэкалекцый і традыцыйных набажэнстваў падчас Вялікага посту.
Арцыпастыр таксама адзначыў, што з 24 па 25 лютага гг. адбудзецца візіт у Італію кіраўніка Міністэрства замежных справаў Рэспублікі Беларусь спадара Сяргея Мартынава. У Ватыкане ён сустрэнецца з Дзяржаўным сакратаром Яго Святасці папы Бэнэдыкта XVI кардыналам Тарчызіо Бэртонэ і адказным па сувязях з дзяржавамі пры Дзяржсакратарыяце біскупам Дамінікам Мамбэрці.
Матэрыял сайта Catholic.by
Прануем таксама вашай увазе: Фотаздымкі з мерапрыемсва.