Адрас:вул. Пляханава, 28 к1,
 Мінск, Рэспубліка Беларусь
☎капл+375 17 3679386
☎канц +375 17 3683856
E-mail: serebranka@sdb.by

 

 
 

 

 

 

Першая Кантакт Для друку
Belarusian English Italian Polish Russian
Банэр
Банэр
Банэр
Банэр
Дзень духоўных сустрэч у Мінску
Навіны
12.11.2008

11 лістапада 2008 г. у мінскай парафіі Святога Яна Хрысціцеля адбылася сустрэча святароў і сясцёр законных Мінска-Магілёўскай архідыяцэзіі. «Адарацыя Найсвяцейшага Сакрамэнту ў жыцці пакліканых да святарскага і манаскага служэння» — такою была тэма канферэнцыі, якую прамовіў дзекан Магілёўскага дэканату ксёндз Раман Факсінскі.

Удзельнікі Дня духоўных сустрэч, у межах пастаяннай фармацыі, пазнаёміліся з дакладам «Прыгажосць і дакладнасць пры цэлебрацыі Літургіі ў святле сучаснага навучання Касцёла», які прамовіў кс. д-р Ян Крэміс. Між іншым было адзначана, што цэлебрант, жадаючы быць у лучнасці з Касцёлам, павінен цэлебраваць Літургію так, як гэта ўстаноўлена кампетэнтнай касцёльнай уладай.

Пасля малітоўнай часткі праграмы дня духоўных сустрэч адбылася традыцыйная арганізацыйная сустрэча Мітрапаліта Тадэвуша Кандрусевіча з духавенствам.

Арцыбіскуп падкрэсліў, што ў перыяд Адвэнту — радаснага чакання Пана — варта арганізаваць у парафіях рэкалекцыі, якія дапамогуць вернікам падрыхтавацца да свята Божага Нараджэння. Своеасаблівай формай катэхізацыі, па словах Мітрапаліта, з’яўляецца ўдзел дзяцей і моладзі ў тэатральных пастаноўках, прысвечаных гэтаму радаснаму святу.

Арцыбіскуп таксама ўнёс прапанову ўвесці ў практыку калядныя сустрэчы з рознымі групамі вернікаў (вучоныя, медыкі, дзеячы культуры і мастацтва і інш.) у сваіх парафіях, пры гэтым падкрэсліў вялікае значэнне калядных сустрэч з сем’ямі.

Мітрапаліт паведаміў, што сёлета тэлевізійная трансляцыя ўрачыстай цэлебрацыі святой Літургіі на Божае Нараджэнне будзе адбывацца з Магілёўскай катэдры.

У гэты дзень таксама адбылося першае пасяджэнне Святарскай рады, арганізаванай Мітрапалітам Тадэвушам Кандрусевічам. Галоўная функцыя членаў Святарскай рады — дапамагаць біскупу ў рэалізацыі запланаваных справаў.

Наступны дзень духоўных сустрэч святароў і законных сясцёр Мінска-Магілёўскай архідыяцэзіі адбудзецца 18 снежня ў мінскім касцёле святых Сымона і Алены.

Матэрыял сайта catholic.by

Глядзіце таксама: Фотаздымкі з сустрэчы.

 
© 2006-2017 Рымска-каталіцкая парафія Св. Яна Хрысціцеля ў г. Мінску
Банэр