Адрас:вул. Пляханава, 28 к1,
 Мінск, Рэспубліка Беларусь
☎капл+375 17 3679386
☎канц +375 17 3683856
E-mail: serebranka@sdb.by

 

 
 

 

 

 

Першая Кантакт Для друку
Belarusian English Italian Polish Russian
Банэр
Банэр
Банэр
Банэр
Адбылася сустрэча духавенства Мінска-Магілёўскай архідыяцэзіі
Навіны
25.11.2012

22 лістапада 2012 г. у парафіі Св. Яна Хрысціцеля ў Мінску адбылася сустрэча духавенства Мінска-Магілёўскай архідыяцэзіі. У межах сустрэчы святары і кансэкраваныя асобы мелі магчымасць прыступіць да сакрамэнту пакаяння і паяднання, а таксама ўдзельнічаць у адарацыі Найсвяцейшага Сакрамэнту.

На сустрэчы выступіў доктар медыцыны Антуан Лісец з Харватыі, які адзначыў, што, каб людзі маглі захаваць веру, ім трэба абвяшчаць хрысціянскія каштоўнасці, а духавенства, як ніхто іншы, можа найлепшым чынам растлумачыць прынцыпы хрысціянскай маральнасці.

Важным пунктам сустрэчы была святая Імша, якую ўзначаліў Мітрапаліт Мінска-Магілёўскі арцыбіскуп Тадэвуш Кандрусевіч. У гаміліі арцыпастыр адзначыў, што набліжаецца завяршэнне літургічнага года, і ўсе літургічныя чытанні ў гэтыя дні канцэнтруюцца на тэме Апошняга Суду і канца часоў. Як дадаў іерарх, «трэба добра падрыхтавацца, каб сустрэць прыходзячага Пана».

Мітрапаліт распавёў таксама пра пасяджэнне Сіноду Біскупаў па новай евангелізацыі, якое праходзіла ў Апостальскай Сталіцы 7–28 кастрычніка і на якім арцыпастыр прадстаўляў Беларусь. Па словах іерарха, кожны Сінод звычайна мае найперш тэарэтычнае вымярэнне, а дадзены быў адметны тым, што ў значна большай меры меў практычны характар.

Наступныя сустрэчы духавенства Мінска-Магілёўскай архідыяцэзіі пройдуць 10 снежня ў касцёле Унебаўзяцця Найсвяцейшай Панны Марыі і св. Станіслава ў 11 гадзін у Магілёве і 20 снежня ў 11 гадзін у мінскім архікатэдральным касцёле. Падчас гэтых сустрэч адбудзецца дзяленне аплаткай і абмен святочнымі пажаданнямі перад урачыстасцю Божага Нараджэння.

Кс. Юрый Марціновіч
Матэрыял сайта Catholic.by
 
© 2006-2017 Рымска-каталіцкая парафія Св. Яна Хрысціцеля ў г. Мінску
Банэр