Адрас:вул. Пляханава, 28 к1,
 Мінск, Рэспубліка Беларусь
☎капл+375 17 3679386
☎канц +375 17 3683856
E-mail: serebranka@sdb.by

 

 
 

 

 

 

Першая Кантакт Для друку
Belarusian English Italian Polish Russian
Банэр
Банэр
Банэр
Банэр
Завяршыліся рэкалекцыі для супрацоўнікаў «Карытас»
Навіны
03.03.2010

3 сакавіка 2010 г. завяршыліся рэкалекцыі для супрацоўнікаў дабрачыннага каталіцкага фонду «Карытас». Святую Імшу на заканчэнне дзён духоўнага аднаўлення ўзначаліў кс. Віктар Гайдукевіч SDB, дырэктар «Нацыянальнага Карытас» у Беларусі.

У гаміліі рэкалекцыяніст кс. Аляксандр Яшэўскі SDB яшчэ раз звярнуў увагу прысутных на тры моманты: на важнасць удзелу ў святой Эўхарыстыі, якая з’яўляецца часам падзякі, праслаўлення, перапрашэння і просьбы; на вялікі дар сакрамэнту пакаяння, праз які Бог ачышчае і аднаўляе кожнага чалавека; на абавязак кожнага чалавека памятаць пра тое, што прабыванне на зямлі не вечнае — memento mori. Як адзначыў святар, самым верагодным для кожнага чалавека з’яўляецца той факт, што ён памрэ, аднак неверагодным з’яўляецца час смерці.

На заканчэнне рэкалекцый удзельнікі сабраліся, каб падзяліцца перажытым у гэтыя дні. Па словах кс. Віктара Гайдукевіча, дадзены час сапраўды стаў часам духоўнага аднаўлення і больш блізкага знаёмства з тымі, хто таксама рэалізоўвае справу дабрачыннасці ў імя Найвышэйшага.

Па словах свецкіх супрацоўнікаў фонду, дні духоўнага аднаўлення былі часам размовы пра Бога і людзей, калі, разважаючы над сэнсам дабрачыннасці, не даводзілася займацца планаваннем фінансавай дапамогі. Варта было яшчэ раз пачуць, што «Карытас» — гэта арганізацыя, якая найперш павінна аказваць духоўную падтрымку патрабуючым, у той час, калі свет акрэслівае паняцце дапамогі выключна ў матэрыяльным вымярэнні.

Тэмы, прапанаваныя рэкалекцыяністам, былі не новымі, аднак, па словах удзельнікаў дзён духоўнага аднаўлення, мелі актуальнасць, а рэкалекцыі сталі нагодай, каб спыніць штодзённую беганіну і яшчэ раз задумацца над тым, якімі каштоўнымі дарамі з’яўляюцца сакрамэнты, святая Эўхарыстыя і наколькі важна быць гатовым да сустрэчы са Стварыцелем.

Як адзначалі прадстаўнікі «Карытас», удзел у набажэнствах, слуханне канферэнцый, час унутранай і знешняй цішыні сталі добрай магчымасцю, каб іначай паглядзець на сябе і іншых, убачыць таксама пазітыўны бок. Удзельнікі рэкалекцый выказалі жаданне падзяліцца перажытым са сваімі сем’ямі, з супрацоўнікамі, але найперш перамяніць сябе, бо, калі хочаш перамяніць бліжняга, павінен пачаць з самога сябе.

Ксёндз Аляксандр Яшэўскі з радасцю адзначыў, што за час рэкалекцый кожны з удзельнікаў прыступіў да сакрамэнту пакаяння і паяднаўся з Хрыстом у святой Камуніі.
Матэрыял сайта catholic.by
 
© 2006-2017 Рымска-каталіцкая парафія Св. Яна Хрысціцеля ў г. Мінску
Банэр