Адрас:вул. Пляханава, 28 к1,
 Мінск, Рэспубліка Беларусь
☎капл+375 17 3679386
☎канц +375 17 3683856
E-mail: serebranka@sdb.by

 

 
 

 

 

 

Першая Кантакт Для друку
Belarusian English Italian Polish Russian
Банэр
Банэр
Банэр
Банэр
Cалезіяне арганізоўваюць дабрачынную акцыю на карысць дзяцей, якія сталі ахвярамі землятрусу
Навіны
18.01.2010

24 студзеня 2010 г., ва ўспамін святога Францішка Сальскага, які з’яўляецца галоўным апекуном таварыства салезіянаў, у мінскай парафіі Святога Яна Хрысціцеля (Серабранкаўскі дэканат), дзе працуюць ксяндзы салезіяне, адбудуцца адпустовыя набажэнствы, а таксама дабрачынная акцыя на карысць дзяцей, якія сталі ахвярамі землятрусу на Гаіці.

Як паведаміў інспектар Усходняй акругі салезіянаў кс. Джэзэппэ Пэлліццары, на Гаіці па прычыне прыродных катаклізмаў загінулі тры салезіяніна і быў разбураны цэлы будаўнічы комплекс, дзе працавалі ксяндзы з Таварыства святога Францішка Сальскага. З-за землятрусу пад развалінамі школы аказаліся дзеці. Паводле афіцыйных даных загінулі больш за 200 дзяцей.

Ксяндзы салезіяне, якія працуюць у Мінску, з мэтай дапамогі ахвярам землятрусу на Гаіці вырашылі правесці дабрачынную акцыю менавіта ва ўспамін св. Францішка Сальскага, «салодкага» доктара Касцёла. У нядзелю 24 студзеня на працягу ўсяго дня — з 9.00 да 21.00 — у Моладзевым цэнтры імя св. Яна Боска (вул. Пляханава, 28–1) кожны жадаючы зможа пачаставацца блінамі з мёдам і скласці свае ахвяраванні для дзяцей Гаіці, якія ў гэтыя дні знаходзяцца ў цяжкім становішчы і перажываюць страту блізкіх людзей.

«Быць усім для ўсіх» — гэтыя словы былі дэвізам св. Францішка Сальскага. Да гэтага, як адначыў інспектар Усходняй акругі салезіянаў, сёння закліканы і кожны з нас. Запрашаем усіх людзей добрай волі, незалежна ад веравызнання, далучыцца да гэтай высакароднай справы і, можа, праз сваё невялікае ахвяраванне аказаць сапраўдную дапамогу дзецям Гаіці, якія сёння аказаліся ў бядзе.
 
Матэрыял сайта catholic.by
 
© 2006-2017 Рымска-каталіцкая парафія Св. Яна Хрысціцеля ў г. Мінску
Банэр