Кожны год у актаву Нараджэння Пана ксяндзоў салезіянаў і сёсцёр салезіянак, якія працуюць у мінскай парафіі Святога Яна Хрысціцеля (Серабранкаўскі дэканат), наведваюць іх бацькі. Сёлета ў гэтай каляднай сустрэчы, якая адбылася 26 снежня 2009 г., прымаў удзел Мітрапаліт Мінска-Магілёўскі арцыбіскуп Тадэвуш Кандрусевіч.

Напачатку арцыпастыр падзякаваў прысутным бацькам за іх дзяцей — святароў і сясцёр законных, якія сёння нясуць служэнне на хвалу Божую і на карысць усяго Касцёла. Пасля супольнай малітвы і прачытання ўрыўку са Святога Пісання, Мітрапаліт падзяліўся з усімі прысутнымі белым хлебам. Бацькі ж з цеплынёю ў сэрцы і позірку падыходзілі да сваіх дзяцей, якіх некалі падтрымалі ў хвіліну выбару свайго паклікання.