Адрас:вул. Пляханава, 28 к1,
 Мінск, Рэспубліка Беларусь
☎капл+375 17 3679386
☎канц +375 17 3683856
E-mail: serebranka@sdb.by

 

 
 

 

 

 

Першая Кантакт Для друку
Belarusian English Italian Polish Russian
Банэр
Банэр
Банэр
Банэр
«Будаваць дыялог — будаваць адносіны» — рэкалекцыі для суполкі «Адкрытыя сэрцы» прайшлі ў Мінску
Навіны
10.12.2016
 
2-3 снежня ў салезіянскім араторыі ў Мінску адбыліся чарговыя двухдзённыя рэкалекцыі  для суполкі «Адкрытыя сэрцы», якая дзейнічае пры парафіі Святога Яна Хрысціцеля. Удзельнікам сустрэчы была прапанавана шырокафарматная праграма на тэму «Дыялог у сям’і».  Пазнавальная канферэнцыя і сур’езныя разважанні, праца па групах і духоўныя практыкаванні, жарты, гульні — усё гэта стала дзейсным сродкам для раскрыцця зададзенай тэматыкі. 

На чале з духоўным кіраўніком суполкі ксяндзом Іванам Огарам SDB, а таксама з удзелам сястры Валянціны Кот FMA «Адкрытыя сэрцы» нанова асэнсоўвалі вартасць сямейных адносін, разважалі над умовамі добрага і эфектыўнага дыялогу, вучыліся распазнаваць і пазбягаць памылак, якія чыняць перашкоды ва ўзаемапаразуменні і сямейнай еднасці.  У канферэнцыі святар таксама заахвоціў перагледзець адносіны з Богам. Ён расказаў сабраным пра адзін з інструментаў духоўнага жыцця, такі як рахунак сумлення, параўноўваючы парады гэтай духоўнай практыкі ад св. Ігнацыя Лайолы і св. Яна Боско. Таксама разам вучыліся малітве думак (медытацыя над Словам Божым). Кажучы пра міжасабовыя адносіны, кс. Іван звярнуў увагу на здольнасць заўважаць пачуцці, эмоцыі, перажыванні другога чалавека і выказваць уласныя.

Кульмінацыйным момантам рэкалекцый стала святая Імша, пасля — адарацыя.

Рэкалекцыйныя сустрэчы прайшлі ў жывой добразычлівай атмасферы. Важным і радасным момантам стала сустрэча з ксяндзом Паўлам Шчарбіцкім SDB. Ён завітаў у госці да суполкі, якой апекаваўся на працягу пяці гадоў. Усе гэта дазволіла ўдзельнікам яшчэ больш адкрыцца адзін на аднаго і па-іншаму паглядзець на міжасабовыя адносіны. Падтрыманыя духоўна, узнёслыя эмацыянальна, «Адкрытыя сэрцы» выказваюць падзяку ксяндзу Івану Огару SDB і сястры Валянціне Кот FMA за плённую працу і за сумесна праведзены час. 
 
Іна Басалыга
Матэрыял сайта sdb.by 
 
© 2006-2017 Рымска-каталіцкая парафія Св. Яна Хрысціцеля ў г. Мінску
Банэр