Адрас:вул. Пляханава, 28 к1,
 Мінск, Рэспубліка Беларусь
☎капл+375 17 3679386
☎канц +375 17 3683856
E-mail: serebranka@sdb.by

 

 
 

 

 

 

Першая Кантакт Для друку
Belarusian English Italian Polish Russian
Банэр
Банэр
Банэр
Банэр
«Салодкі» доктар Касцёла частуе блінамі з мёдам
Цэнтр Моладзі
28.01.2009

24 студзеня Каталіцкі Касцёл адзначыў успамін святога Францішка Сальскага — апекуна прадстаўнікоў сродкаў масавай інфармацыі, а таксама «салодкага» доктара Касцёла, у дзень успаміну якога традыцыйна асвячаецца мёд. Гэты дзень асаблівы таксама для Таварыства святога Францішка Сальскага (салезіяне), заснаванага 26 студзеня 1854 г. святым Янам Боскам.


У мінскай парафіі Святога Яна Хрысціцеля (Серабранкаўскі дэканат), дзе працуюць салезіяне, у гэты дзень адбылася супольная святочная вячэра.

Святога Францішка Сальскака называюць «салодкім» доктарам Касцёла, бо адным з прынцыпаў яго душпастырскай дзейнасці быў прынцып добразычлівасці, які меў на ўвазе бясконцую пашану да ўсіх, нават да самых бедных і «несімпатычных», уменне першым зрабіць крок насустрач іншаму чалавеку, прымаючы яго з прыязнасцю і ўсмешкай. Святы Францішак Сальскі сваім аптымістычным гуманізмам і дасканалай адданасцю пастырскай справе натхняў святога Яна Боска.

Дэвізам святога Францішка Сальскага былі словы: «Быць усім для ўсіх». Ён імкнуўся наведваць кожнага са сваіх вернікаў, нават тых, хто жыў высока ў гарах. Гэты святы таксама вылучаўся сваёй дабрынёю і цярплівасцю ў руплівай справе навяртання. У дзень успаміну святога па традыціі асвячаецца мёд.

У мінскай парафіі Святога Яна Хрысціцела (Серабранкаўскі дэканат) гэта свята было адзначана яшчэ адным мерапрыемствам. Пасля святой Імшы ўсе парафіяне былі запрошаны пачаставацца блінамі з мёдам, якія прыгатавала моладзь. За кубкам гарбаты сабраліся прадстаўнікі розных пакаленняў.

У гэты не вельмі ласкавы зімні вечар у моладзевым цэнтры імя святога Яна Боска панавала цёплая атмасфера. Дарэчы, гэта звычайная атмасфера салезіанскай сям’і, створаная дзякуючы намаганням айцоў і сясцёр салезіянак, якія заўсёды даюць прыклад адкрытасці і добразычлівасці. Маем надзею, што гэтая смачная супольная вячэра стане яшчэ адной добрай традыцыяй у нашай парафіі.
         

Вольга Лабуць

Image
 
Image
 
Image  Image
 
Image
 
Image
 
Image  Image
 
Image
 
Image  Image
 
Image

Image

Фота Ірыны Петрусевіч

 Матэрыял сайта catholic.by

 
© 2006-2017 Рымска-каталіцкая парафія Св. Яна Хрысціцеля ў г. Мінску
Банэр