Адрас: вул. Пляханава, 28 к1,
  Мінск, Рэспубліка Беларусь
☎капл +375 17 3679386
☎канц +375 17 3683856
E-mail: serebranka@sdb.by

 

 

 

 

 

Першая Кантакт Для друку

26–27 мая ў Пінску адбылася малітоўная сустрэча, прысвечаная ўрачыстасці Спаслання Духа Святога. Пачатак святкавання адбыўся ўвечары 26 мая на панадворку Міждыяцэзіяльнай вышэйшай духоўнай семінарыі імя св. Тамаша Аквінскага. На малітоўную сустрэчу прыбылі ўдзельнікі з Бярозы, Брэста, Баранавіч, Вілейкі, Гудагая, Лагішына, Мінска, Новай Мышы, Шчучына і іншых мясцін Беларусі.

Напачатку сваю праграму прадставіў танцавальны гурт «Усмешка» — удзельнік міжнароднага фестывалю «Акно на ўсход». Сваім музычным талентам і малітвамі падзяліліся з прысутнымі гурты «Небасхіл» (г. Мінск) і «Маран-Ата» (г. Брэст). Напрыканцы выступіў музычны гурт «Подых Духа» МВДС у Пінску.

Кульмінацыйнай часткай святкавання была святая Імша, якую ўзначаліў кс. Эдуард Мігай, арганізатар сустрэчы. У гаміліі святар заахвоціў прысутных да перамены сэрца і да абвяшчэння святла Духа Святога тым, хто пра Яго не ведае. Пасля Эўхарыстыі прысутныя ўдзельнічалі ў адарацыйным чуванні, якое завяршыла малітоўную сустрэчу.

Раман Суша, семінарыст
Матэрыял сайта Catholic.by
 

Апошнія аднаўленні раздзела: "Небасхіл"

© 2006-2017 Рымска-каталіцкая парафія Св. Яна Хрысціцеля ў г. Мінску