Даражэнькія дзеткі і іх паважаныя бацькі! Запрашаем вас прыняць удзел у конкурсе дзіцячага малюнка "Малюем будучы Касцёл!", які праводзіцца парафіяй Св. Яна Хрысціцеля.
Конкурс уяўляе сабой збор малюнкаў дзетак з нашай парафіі, на якіх намаляваны будучы касцёл св. Яна Хрысціцеля разам з сям'ёю побач з ім, такім як дзеткі сабе яго ўяўляюць. Фармат малюнкаў выключна вольны, галоўнае – вашая фантазія!
Для таго, каб прыняць удзел у конкурсе, трэба да 27-га лістапада 2011 года прынесці свае працы ў касцёл і перадаць іх нашым сёстрам-салезіянкам. Найлепшыя малюнкі будуць адзначаны праз Інтэрнэт. На парафіяльнай старонцы serebranka.sdb.by кожны зможа аддаць свой голас за найбольш цікавы і яскравы, на свой погляд, малюнак.
Пасля падвядзення вынікаў, у Дзіцячым Араторыі Св. Яна Боско адбудзецца выстава ўсіх малюнкаў, на якую запрашаем усіх удзельнікаў! Найбольш цікавыя, па выніках галасавання, малюнкі атрымаюць прызы.
ЗАПРАШАЕМ ДА ЎДЗЕЛУ І ЖАДАЕМ ТВОРЧЫХ ПОСПЕХАЎ!
